كتب - محرر الاقباط متحدون
انتشر مقطع فيديو صادم يظهر شخصا يتعمد اهانة صديقة خلال جلسة صلح بالاسكندرية، حيث قال له هو واخرين :" وطي بوس وخلص الليلة دي اشتري عمرك.
الواقعة شهدتها محافظة الاسكندرية وكشفت وزارة الداخلية تفاصيلها في بيان بعد ان استدعت قوات الامن المعتدى عليه والذي قرر ان شخصا بمساعدة اثنين اخرين تعمدوا اهانته واجباره على تقبيل الحذاء .
استهدفت قوات الامن المتهمين وتمكنت من ضبطهم واستجوابهم وبرروا ما فعلوه بسبب خلافات اسرية وما حدث كان في جلسة الصلح.
لكن احدهم اشترط لاتمام الصلح ان يتم اهانة الشاب بهذه الطريقة وهو ما حدث بالفعل، بينما قام احد الاشخاص بتصوير الواقعة ، تم اتخاذ الاجراءات القانونية.
وقال شخص مختصا الشاب في الفيديو :" اسمك ايه .. قول علي صوتك، اضربه بالشبشب على وشه .
واثارت الواقعة غضب عدد كبير من رواد التواصل الاجتماعي، وكتب عصام ابراهيم : ده شغل افترى وربنا على المفترى."
كما علق حساب باسم ابو رداد :" طريقه مهينة والصلح بهكذا اسلوب سوف يولد احقاد رهيبة، كذلك ابدى استيائه من اهانة الشاب حساب باسم جهاد :" ايه القرف اللي بنشوفه كل يوم ده وكأنه بقي العادي والطبيعي حسبي الله ونعم الوكيل.
وطالب ماندو :" لازم حبس العيال دي" ، وكتب عبد العزيز زكي :" دي مش جلسة صلح. دي عرفين حقيقتها وتم القبض ع الأولاد اللي أهانو الولد اللي إسمه كريم. وحاليا. يتم التحقيق معاهم. بأمر من النائب العام شخصيا. منقول.
وكتبت مروة :" الناس بقا جواها وحش ومخيف اوي لدرجة ان الرحمه اتشالت من قلوبهم حسبي الله ونعم الوكيل في كل ظالم.
واستنكر الواقعة طه وكتب :" طول عمرنا نعرف أن الصلح الناس بتبوس علي دماغ بعض أو تاخد بعض بالاحضان لكن ده بعيد كل البعد عن الصلح ده اسمه افتري والمفتري اكيد في الاقوي منه هو اللي يجبله حقه.
وعلق محمد :" والله مايعرفوا حتي معني كلمة رجوله لما يستغلوا ضعف إنسان بالشكل ده حسبي الله ونعم الوكيل فيكم.
كما علق حساب :" حسبي الله ايه الناس دى دانتو ربنا عز وجل كرم البني آدم وغفور رحيم وانتو ايه من سلاله الشياطين ربنا يخلصنا من اشكالكو.
وكتب محمد علي تعليق خطير :" انا مابحب افتى لكن هنا فى مصر فى حاجه بنسميها قانون العرب و بنستخدمو فى القعده العرفيه و الطرف المتضرر بيقول شروط التصالح ومن حق التانى يرفض بس يكون معاه عزوه تساعدو فى الرفض.
وتابع :" و بيكون العقاب دايما اكبر من مستوى الضرر يعنى لو شخص اضاب شخص بجرح معظم الاحكام ان يشتال كفن او يأتى ب بقره او خروف ويتم الذبح امامو و يتم مسحو بدماء لكن هذا الفديو من الاكيد انه وقع ضرر كبير لكى يوافق على تقبيل الحذاء وانه لا يمتلك القوه من اجل الرفض و اقتراح شروط اخرى.
وراى صبحي :" ليس العيب في شخص يهين شخص آخر ولكن العيب في من يتقبل الاهانة.
