ماجدة سيدهم
عارفين لما حد يكون عايش  في عزلة تامة جوه كهف معتم      ومتصور إن  هي دي الحياة   لكنه من جواه مش مرتاح  فيحاول  دايما يجتهد  ويجمل حياته  للتأقلم مع وضعه  

  مع الوقت بيفقد احساسه  بكل شيء  ، يقوم يصرخ صرخة قوية علشان يتأكد أنه موجود  وأنه شخص حقيقي  ..

هو مش فارق معاه حد يسمعه .. فارق  معاه بس أنه يسمع صدى صوته هو علشان يطمن أن كل افكاره وقناعاته  بخير  ..

ودا اللي حصل بالظبط بتصريح متكرر أن عيسى مسلم شأن كل الأنبياء والرسل  اللي طلعوا كلهم مسلمين...عادي جدا.. وظنا  منه أن  دا الاكتشاف القنبلة واللي كل مرة يتوقع  إنه هايقلب الموازين ..

 والحقيقة التصريح  دا  مر مرور الكرام  على المسيحين  لأنه فعلا  مش فارق معاهم   واللي دايما بيوضحوا ويأكدوا  كتير  أن عيسى دا  مايخصهمش خالص  ولا اتذكر اسمه في كتابهم المقدس ، ودا للأسف  في حد ذاته صدمه كبيرة ..

 ليه ..؟!  لأن  لما عيسى مش هو يسوع المسيح أمال عيسى دا يبقا مين ، واسلامه هايفيد بإيه.  ماهو نبي عادي زي غيره ..لكن  المقصود هو يسوع المسيح  بالذات مسلما ..دا اللي يفرق أوي  معاه ومع كل المريدين ..

بس للاسف يامولانا هي دي الحقيقة  وبفرض أن عيسى هو يسوع من وجهة نظرك  ..برضه  مافيش راحة  لأن يسوع المسيح   فعلا مش نبي فهو  الله الظاهر في الجسد ..فتيجي إزاي يعني ..؟!

عرفت ليه  انت في قرارة نفسك  مضطرب ومش مرتاح

شوية هدوووء  مولانا وبعيد كدا عن كهف عزلتك ودوشة صدى صوتك تحلى بشجاعة السؤال وماتخافش ..