كتب - محرر الاقباط متحدون
خيم الحزن على اسرة الشربيني عوض المتولي، الذي ذبحه جاره داخل مسجد خلال صلاة الجمعة بالدقهلية .
وقالت شقيقه المجني عليه :" هو كان عندي على طول كل جمعة بيجيبلي اولاده وبيقضي معايا اليوم.
مضيفة في تصريحات اوردتها فضائية العربية :" جالي اول امبارح وقعد معايا نص ساعة وقعدنا نضحك.
لافتة :" هما جيرانه، اللي قتله اتعلم على ايديه الخياطة ولو احتاج مكنة ولا اي حاجة كان بيروح يجيبهاله هو اللي علمه الخياطة.
وتابعت :" عايزة حق اخويا لازم كل واحد يتحاكم على اللي بيعمله الدنيا مش سايبة، عشان يضيع اب زي ده عنده ٤ عيال، من بينهم طفل سنة ونص.
وشيع أهالي قرية ميت السودان بمدينة دكرنس بالدقهلية، جثمان الشربيني عوض المتولي، وهو الذي ذبحه جاره داخل مسجد خلال صلاة صلاة الجمعة.
وقتل الشربيني طعنا بسلاح ابيض، على يد جاره داخل مسجد بقرية ميت السودان التابعة لمركز دكرنس بمحافظة الدقهلية، خلال أداء صلاة الجمعة.
وتوجه ضباط وحدة مباحث المركز إلى المكان، وعلموا بنشوب مشاجرة بين المجني عليه "الشربيني عوض المتولي الخواجة"، وشخص جاره بسبب خلافات بسبب الجيرة، وذهب المتهم الى المسجد وبحث عنه وحين وجده نحره، ليودع الحياة داخل المسجد، وسادت حالة من الذعر الاهالي فالقاتل كان يحمل السكين.
استقبل مستشفي دكرنس العام المجني عليه، وحرر محضر بالواقعة، وتم القاء القبض على الجاني واخطرت النيابة العامة وستباشر التحقيقات.
