كتب - محرر الاقباط متحدون
قال الاعلامي احمد سالم :" المشكلة اننا عايشين مع ناس كتير منهم شايفين ان السرقة عادي عشان الغلبان هايعمل ايه والقتل مش عيب عشان اكيد هي استفزت رجولته و اهانته والرشوة مش جريمة دي تمشية حال و شطارة والتحرش له سبب انها لابسة عريان و ايه اللي وداها هناك .
مضيفا عبر حسابه على فيسبوك :" و الاغتصاب ميستاهلش الإعدام عشان الشباب مش عارفين يتجوزوا والنميمة و التنمر مش حرام دي كلام دنيا و هزار و النظافة مش من الإيمان ولا حاجة عشان الصابون غالي و غش الميزان و السلع مش قلة ضمير ده شطارين بياعين و ضرب المرأة مش قلة رجولة ده تربية لها .
واختتم :" بس أهم حاجة ان الحجاب فريضة و السواك سنة و الفن و الموسيقي حرام و اللي شغالين فيهم مخلدين في النار.