نفى الدكتور نبيل عبد المقصود، طبيب شيرين عبد الوهاب، تناولها أي نوع من الأدوية النفسية أو المهدئات.
وقال في تصريح خاص لـ صدى البلد: «شيرين زيها زي أي شخص لما مرت بتجربة نفسية أليمة، فضلت تاكل كتير لحد ما وزنها زاد، لكن كل الكلام اللي بيتقال عنها ده غير صحيح».
لم يتواصل نهائيًا مع الفنانة شيرين عبد الوهاب
وتابع الدكتور نبيل عبد المقصود، «أنا حر.. هي الناس هتقيد الأماكن كمان اللي هروح فيها، مش هينفع نمشي ورا تعليقات الناس كمان على الفيسبوك».
وأكد أنه لم يتواصل نهائيًا مع الفنانة شيرين عبد الوهاب عقب الجدل المثار على السوشيال ميديا بعد انتهاء حفل قرطاج، «أنا شايف الناس كبرت الموضوع».
أدمنت هذا الأمر
قالت مفيدة شيحة، في برنامجها «الستات»، المذاع عبر قناة «النهار وان»، مساء الثلاثاء، أن شيرين تعاني من اكتئاب حاد، وكانت تاخد أدوية علشان تنام، وأدمنت هذا الأمر، وكان لابد من تدخل طبي لحل الأزمة«.
وتابعت مفيدة شيحة، أن شيرين عبدالوهاب أدمنتت أدوية اكتئاب أيضا خلال مرحلة في حياتها الأمر الذي سبب لها مشاكل واستعدي الأمر الذهاب للطبي النفسي والذي نجح في علاجها، موجه حديثها لشيرين، :«انتي مثال للمرأة المصرية القوية».
وأكملت الإعلامية مفيدة شيحة :«مش لازم يحطوا نفسهم مكانها أو حتى يتعاطفوا معاها.. انا اللي يهمني أن الجمهور أو المعجبين يعرفوا انهم كمعجبين مش هيعرفوا حاجات كتير اوي عنها مهما حصل وهي كنجمة في حياتها ممكن تبقى ست وانسانة عادية بعض الوقت وممكن متقدرش تتحرر من مسؤوليات وقيود حياة النجوم اوقات كتير،فمهما تخيلتوا نفسكم حاسين بيها ومقدرين مش هيكون بدرجة حقيقية».
وأضافت الإعلامية مفيدة شيحة :«عشان هي شيرين بس لوحدها اللي اختبرت ألمها ووحدتها وتجربتها ورحلتها الصعبة.. مش من حق أي حد انه يحاكمها على طريقتها في ممارسة حياتها.. ولا حتى يمنعها من ممارسة اخطاءها.. هي حرة!».
وعبّر الدكتور نبيل عبد المقصود، عن امتنانه للفنانة شيرين عبد الوهاب قائلاً: « شيرين هزت مشاعري، واتفاجأت، بعد اللي عملته وتصرفها التلقائي».
