ردت كل من فريدة وكاميليا ابنتا الفنان شريف منير، على هجوم والدتهما عليهما، بعد أن اتهمتهما بالبعد عنها.
وعلقت فريدة ابنة شريف منير، على رسالة والدتها عبر بموقع انستجرام، قائلة: ليه بتعملي كده؟ ليه بتخلي شكلنا كده قدام الناس؟، لترد عليها والدتها لورا عماد قائلة: إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر.
أما عن كاميليا، فأنكرت ما قالته والدتها في رسالة العتاب، حيث علقت على الرسالة بموقع انستجرام قائلة: عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده، وردت عليها والدتها قائلة: أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم.
وكانت وجهت لورا عماد، الزوجة الثانية للفنان شريف منير، رسالة عتاب قاسية لابنتيها فريدة وكاميليا، قائلة: "قررتوا تبقوا مش في حياتي بعد ما اديتكم عمري".
ونشرت لورا، مقطع فيديو يجمع ابنتيها مع والدهما وهم يتناولون الطعام في أحد المطاعم، وعلّقت عبر حسابها بموقع "إنستجرام": "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
أضافت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
وعادت الفنانة لورا عماد إلى التمثيل مرة أخرى عن طريق المشاركة في حكاية "وأنسى روحي وياك" من مسلسل "نصيبي وقسمتك" بعد سنوات من الاعتزال بعد زواجها من شريف منير.
