د.أمير فهمى زخاري المنيا
عصير البرتقال ممكن يكون سبب من أسباب زياده وزنك 😱😱
هتقولى ده عصير طبيعي!!!!
أنا عارف...
بس لما بتشرب عصير البرتقال بتاخد المياه بس الي مليانه سكر وتسيب الفايده من معادن وفيتامينات وألياف في القلب والقشره الداخليه البيضا.
هتقولي بس ده سكر!!!
انا معاك بس بالنسبه للجسم sugar is sugar فبالتاي اول ماتشرب العصير نسبه السكر في الدم بتعلي جدا وبيتعب الكبد ..لان الجسم بيضخ إنسولين بنسبه عاليه وبعدها ترجع تعيط من الجوع.
انت استحاله تقدر تاكل ٤ برتقالات ولكن بسهوله جدا تشرب عصير ٤ برتقالات في دقيقتين...
خليك فاكر ان كوبايه عصير البرتقال(٢٥٠ مل) = ٥ معالق سكر 😮
طب ايه الحل؟
علشان تستفيد من الفاكهه اكبر استفاده:
١- الفاكهه تتاكل زي ماهي.
٢- تضربها في الخلاط بأليافها.
٣- ممكن تاكل مع العصير مكسرات علشان تعمل توازن وميرفعش سكر الدم.
وخليك فاكر إن الألياف لها فوائد كتيره...
على سبيل المثال :
مفيده فى الرجيم وحالات الإمساك وضبط سكر الدم ومقاومة سرطان الأمعاء وزياده مناعه الجسم لله..
الخلاصه ناكل الثمره كامله أفضل بكثير من شرب عصيرها..
تحياتى للجميع.
د.أمير فهمى زخاري المنيا
