د.أمير فهمى زخاري المنيا
واحد فضل سنين عنده إمساك وفاكر ان دي طبيعته وعايش علي الأدويه الملينه الي كانت بتصعب المواضيع اكتر... لان كل شويه بيحتاج يزود الجرعه لحد ما الحمدلله عرف الغلط فين وعالجه👇

طيب محتاجين بس نعرف إن وجود عملية هضم صحية والتخلص من النفايات كل يوم (من الناحية المثالية مره أو مرتين في اليوم) مهم جدا ...ليه
علشان الكبد بيطرد السموم ويحولها إلى الأمعاء..

فلو كان الجهاز الهضمي مش شغال بكفاءه فالجسم بيمتص كل السموم ديه وعلشان كده الإمساك خطر و مرتبط بأمراض كتيير.
طيب إزاي نعالجه بخطوات سليمه..

 - أكلك اليومي محتاج يكون مليان بالألياف خصوصا من الخضار ثم الفاكهه🥗🥦🥒و محتاج تبعد عن الألبان و الأكل المعلب بقدر الإمكان (جرب لمده ٣ أسابيع وشوف النتيجه).

- شرب المياه مهم جدا علشان يسهل حركه الامعاء 🚽
- الدهون ثم الدهون الصحيه من مكسرات،زيت جوز هند، زيت الزيتون ، الافوكادو، أو الحبوب زي السمسم، الشيا،عباد الشمس.
- الحركه مهمه أوي 🚶🏻‍♂️🚶🏻‍♀️
عملت كل ده ولسه بتعاني
يبقي المفعول السحري..

- بذر الكتان كل يوم معلقتين بذر الكتان مطحونين وحطهم علي اي أكل زي السلطه...
أو إغلي معلقتين بذر الكتان وصفيهم هينزل منهم جل flax jel اشربه ...مفعوووله هايل.

- كمان الإمساك ممكن يكون بسبب نقص معدن الماغنسيوم وفيتامين ج فانك تاخد الفيتامينات ديه هتساعدك وتعوض النقص الي في جسمك.
⚠️متستسهلش وتاخد حبوب ملينه لأنك كده بتدمر جهازك الهضمي زياده ومع الوقت هو مش هيقوم بأي دور وهيعتمد علي مساعدات خارجيه وشويه شويه مفيش دوا هيجيب نتيجه.

اجابه لأسئلة بعض الأصدقاء عن طريقه استعمال زيت الزيتون لعلاج الإمساك:
١- معلقه أو اتنين صباحا على معده خاليه مع عدم شرب الماء بعدها لمده ساعه.
٢- خلط معلقه زيت الزيتون فى كوب ماء مع عصير الليمون ويفضل تناوله كل ليله قبل النوم.
٣- خلط ٢ مغلقه زيت زيتون مع عصير برتقال طازج وشربه فى الصباح على معده فارغه.
٤- كوب زبادى مع معلقه زيت زيتون صباحا على معده خاليه.
٥- معلقه زيت زيتون مع ثمره موز مقطعه ومهروسه وتناولها ثلاث مرات يوميا بين الواجبات.
وإلى اللقاء فى معلومه طبيه جديده..تحياتى للجميع.
د.أمير فهمى زخاري المنيا