محرر الأقباط متحدون
سخر الكاتب ماجد عاطف، من الإخواني أبو تريكة'>محمد أبو تريكة بسبب هجومه علي الاتحاد الانجليزي عقب مباراة ليفربول وفولهام، التي اقيمت اليوم السبت.
وقال ماجد عاطف عبر حسابه علي فيس بوك: كابتن أبو تريكة في الاستوديو التحليلي لمباراة ليفربول وفولهام هاجم الاتحاد النجليزي وقال: اللي بيحصل في غزه ايه؟ اللي بيحصل في فلسطين ايه؟ ده احتلال وحرب.. موجود على دكة فولهام لاعب من الكيان الصـهـيوني، ده سؤال للاتحاد الإنجليزي.. لو لاعب روسي هتسجله ؟".
وأكد ماجد عاطف أن موقف شريف طبعا، ومحترم من رجل غيور على عروبته وشايل قضية فلسطين، ولكن المشكله الوحيدة هنا أن "ناصر الخليفي"، صاحب المحطه اللي تريكه شغال فيها، بيساهم مباشرة في دعم الاقتصاد الصهـيوني اللي حضرتك واخد موقف منه .
وتابع: "ناصر الخليفي مالك باريس سان جيرمان، فرقته راحت لعبت للعام الثاني علي التوالي في إسرائيل مباراة السوبر الفرنسي، ضمن برنامج بتسعي من خلاله إسرائيل لتنشيط برامجها السياحية.. مش بس كده ده ناصر الخليفي شخصيا عبر بشكل رسمي عن شكره وامتنانه لنادي مكابي تل أبيب (الإسرائيلي) ولرئيس مجلس إدارته لاستضافتهم فريقه خلال معسكره في تل أبيب".
وأختتم: "طب مش كان اولي يا كابتن تقول الكلمتين دول للي مشغلك، وبيقبضك كل اول شهر بدل ما تقولهم للاتحاد الانجليزي!.. وبعدين انت قابل علي نفسك تشتغل عند واحد بيدعم الصهـ يانه ازاي يا جدع".
