د.أمير فهمى زخاري المنيا
حكاية مثل :
"اقرصيها فى ركبتها تحصليها فى جُمعتها"
مثل بنسمعه كتير في مصر وخصوصًا وسط أهالينا.. لو عايزة تتجوزي بسرعة، اقرصي العروسة في ركبتها، وتلاقي في بعض الأفراح  في الـريف خصوصًا فى الصعيد، البنات فعلًا بتعمل كده.. بس جات منين الحكاية دي!؟

من 100 سنة كده في الصعيد، بتقول الإسطورة إنه فيه بـنـت كانت بتغير من صاحبتها العروسة ساعة الفرح، وحصلت خناقة كبيرة بين الأتنين والناس اتجمعت، وأثناء الخناقة، قامت البـنـت قارصة العروسة جامد في ركبتها، وماتقوليش إزاي..

قام واحد من الرجالة إللي قاعدين، عجبته أوي إللي عملته البـنـت وقالك والله جدعة، وأنا عايز أتجوزها..

 أهل البلد عجبهم الفكرة وبقت إللي عايزة تتجوز، تروح أي فرح، وهناك تقرص العروسة فى ركبتها ظنًا منها إنها كده هتتجوز وكده زي إللي حصل قبل ١٠٠ سنه.

فلو عايزة تتجوزي، أظن عرفتي هتعملي إيه..

ولينا أصل حكايات تقاليد  الزفاف هنقولها تباعا...
تحياتى للجميع.
د.أمير فهمى زخاري المنيا