كتب - محرر الاقباط متحدون
اشاد رواد موقع التواصل الاجتماعي (فيسبوك) بموهبة الشيف ابانوب عادل في الطبخ ، وكتب عادل عبر صفحته على فيسبوك :" شجعونى و تابعونى اللى لسة ميعرفنيش، انا ابانوب 22 سنة "اصغر شيف على السوشيال ميديا و التلفزيون " موضوع المطبخ بدأ وانا عندى ١١ سنة كنت بحب ادخل مع مامتى المطبخ و اكنى براقبها و كنت بتابع كويس جدا البرامج و الشيفات و بدأت اتعلم اكتر لحد ما مخى بقى مربوط بالاكل و انى ابقى شيف مشهور و ناجح زى اللى بشوفهم فى التلفزيون.
و لحد ٢٠١٤ بدأت اتواصل مع cbc انى ولد ١٤ سنة و عاوز اطبخ وفعلا طلعت فى أول حلقة مع الفنانة منى عبد الغني و بعد ما الحلقة بقوا ٤ فى اقل من سنتين و بدأت ناس تطلب أعملهم اكل و فعلا بدأت اعمل اكل للناس و ال ٤ حلقات بقوا 35 حلقة فى ست سنين و دا رقم بالنسبة لي حلو.
اتكتب عليا فى كذا جريدة و مجلة غير المواقع الاكترونية و اتعمل معايا كذا تقرير و حوار. و انى طلعت فى اهم القنوات و مع أهم الاعلامين و الحمد لله حب الناس ليا و متابعتهم ليا دا بالدنيا.
و الحمد لله الحمد لله كل دا من غير اى واسطة أو محسوبية كل دا بفضل ربنا و أنه مسهلى الطرق الحمد لله و بيبعتلى ناس كتير كويسين جدا يطلعونى خطوة خطوة .
