كتب - محرر الاقباط متحدون
قال الكاتب خالد الاسود :" السفاحين لما يحبوا يعملوا كيوت بيقولوا، أنا صعبان عليا "نيرة اشرف"بس مش متعاطف مع أهلها لأنهم هم الغلطانين والمفروض يتحاسبوا، وجاء بنص منشوره عبر حسابه على فيسبوك :
اللي بيقولوا كدا هم السفاحون الأخطر والأحقر من محمد عادل نفسه.. عاوزين يربونا على مزاجهم السرسجي وعلى مقاس عاهاتهم يا يدبحونا.
ثورة حزب القفة دفاعا عن محمد عادل ونهشا في نيرة هي ثورة السرسجيةدخلت فيديو لواحد بدقن عامل أكتر من مليون مشاهدة وإعجاب وتداخلت مع التعليقات علشان أحاول أفهم.
دماغهم متبرمجة البنت طالما بتروح الجونة يبقى تتدبح، بتشتغل موديل تتدبح، بتسهر مع أصحابها في اللي بيسموه ديسكو تتدبح، واحد جاموسة فاكر أن العلمانية دين جديد والبت متابعة صفحة علمانية يبقى تتدبح، صاحب الفيديو بيبرر جريمة الذبح أن البنت كانت مرتبطة بواحد تاني فمحمد عادل يا عيني معذور أنه دبحها.
كلهم شايفين أهلها هم المجرمين لأنهم لم يربوا بنتهم وفقا لمعايير القفة، إزاي يدوها حرية ويوافقوا أنها تشتغل موديل.
عاهات المجتمع ونفاياته يجدون الدعم بالميديا وبالملايين لفرض أمراضهم علينا، الدفاع حق أصيل للمتهم، من حق المحامي أن يقبل أية قضية، لكن فريد الديب عارف أنها مش مجرد قضية خسرانة، وأن قبوله لها هو دعم سياسي وشعبي لحزب القفة.
عموما فريد الديب مجرد سيجار وخلاص ، المجامي صاحب الشو هو اللي خسر قضايا الجاسوس عزام وحسن راتب ومحمد الأمين وتقريبا أي قضية سمعت أنه مسكها.
