كتب - محرر الاقباط متحدون
قال الكاتب والباحث والمفكر مؤمن سلام :" حكمت المحكمة باعدام قاتل نيرة أشرف، بالنسبة لي دي قضية مثال على القضايا اللي مخلياني طول عمري مش واخد موقف حاسم من الإعدام، قضية زي دي، وقضايا الإغتصاب، وقضايا التعذيب التي تؤدي للموت، أو المذابح الجماعية، دي قضايا بتخليني مش ضد الإعدام بشكل كامل.
مضيفا عبر حسابه على فيسبوك " بعد الحكم ده في كلام عن تولي فريد الديب القضية في النقض، والناس عملت الموضوع كأنه جاب براءة للقاتل خلاص، مش عارف الناس دي جابة الفكرة منين، الراجل ده شهرته مش جاية من انه محامي فشيخ مش بيخسر قضية لكن من انه معندوش مشكلة يدافع عن أى حد طالما المبلغ يستاهل وكمان الميديا حتغطي كويس.
لافتا :" لكنه خسر قضايا من أهم القضايا قضية الجاسوس «عزام عزام» في 1997، قضية أيمن نور، وقضية «أيمن عبد المنعم» مدير مكتب وزير الثقافة لقطاع الآثار، وقضية «محمد الوكيل» رئيس قطاع الأخبار بالتليفزيون المصري. وأخر قضية بتاعة تهريب الآثار لرجل الأعمال "حسن راتب" وجابلة 5 سنين سجن.
واضاف :" فهو محامي شاطر ولكن مش سوبر يعني مش معنى انه تولى قضية يعني براءة. ولذلك انا مش مهتم يتولها ولا لا، لأنها جريمة متصورة صوت وصورة وفي بدل الشاهد 100، والأمر محسوم وده بيفسر سرعة المحاكمة والحكم.