تأليف الدكتور مجدى شحاته
شيئ طبيعى مش غريب أنى عاشق لمسة حنانك
وشيئ طبيعى ولا هو عيب أبوس ترابك وأحضن غطانك
وشيئ طبيعى مش غريب اقدم حياتى عشانك
ما انتى أم الدنيا يا مصر مين يملى عينى غير كيانك
حبى ليكى شيئ عجيب القلب يدق لو سمع حتى اسمك
ما انا ابنك مش غريب اسمك فى قلبى من صنع رسمك
وشيئ طبيعى أكون حبيب ليكى يا مصر ما انا حتة منك
عملتى منى شاعر أديب غاوى جمالك عاشق لفنك
كل الدنيا بتحبك يا مصر .. فى كل عصر.. من صغر سنك
والحب يزيد .. من جديد وده سر حسنك
يالى التاريخ كاتب حكايتك والعالم حافظ مكانك
والاصيل عارف غلاوتك والغالى يرخص عشانك
والسر الخفى فى حلاوتك نيلك والسنابل فارشة ف غطانك
وياويله اللى يلمس كرامتك وسواد ليله لو حد خانك ا
قائد أصيل وعفيف والمركب سايره لهدفنا
ما تعبنا من التجدي ولا سبنا مقدفنا
ولو يوم الدفة نعدلها بكتافنا
وسلام للناس اللى قالت تحيا مصر فى هتافنا
مصر 30 يونيو..مصر العبور
مش اسم ع البسبور
ده اسم منقوش على كفوفنا
