شفت الفنانة المعتزلة ميار الببلاوي عن موقف سيء تعرضت له أثناء انشغالها بمرض ابنها الذي يستعد لأداء امتحان آخر المواد الدراسية في البكالوريوس.
وفي منشور عبر صفحتها الشخصية بموقع "فيس بوك"، قالت ميار: "إيه ده إيه الدنيا دى إيه الناس دى إيه الواحد عايش فى كوكب لوحده ملهوش حد ولا يفرق مع حد كلوا يالا نفسى ولو ليه مصلحة يعملك نفسه مروحة ولا ملوش متلزموش".
وأضافت الفنانة المعتزلة: دى كلمه ست طيبة لقتنى ببكى فى المسجد بتاع المقابر وقالتلى دموعك غالية وفريها الجايات كتير والله استغربت كلامها وكأنها بتأهلنى للى جاى النهاردة".
وتابعت: " ابنى من الصبح بيموت بين إيدى بيرجع وبيتلوى من المغص ودكاتره داخلة ومحاليل وحقن وأدوية وبكرة امتحانه الصبح لانه فى بكالوريوس ودى آخر مادة طبعا كده خلاص مفيش أمل إلا بمعجزة من عند ربنا لإنه رايح راس فى راس والسخونيه ٤٠ألاقى حد حقير كلمنى وبحكيله إن ابنى تعبان وبيموت من المغص وبيصرخ يطلب الطلب اللى هو عاوزه ويقفل".
واختتمت ميار الببلاوي منشورها قائلة: "عاوزه اقول الله مايحوج حد لحد بس بعد الضنى مفيش وكده حلو أوي".
يشار إلى أن ميار الببلاوي ولدت في 24 ديسمبر 1972، تخرجت في كلية الآداب، وبدأت حياتها الفنية كممثلة إعلانات، ثم انتقلت إلى السينما والتليفزيون، قبل أن تعلن اعتزالها وارتداء الحجاب.
