حب مختلف
د. أمير فهمى زخارى.
لكن لمحت قصة حب تاني، حب مختلف، حب اسمي وارقي من اي حب سمعت عنه، حب ما بين اثنين (الله وليئه)...
ليئه المكروهة ...
ليئه الفقيرة في كل مظاهر الجمال والقبول، ليئه اللي كل حاجه مظلمه في حياتها، ليئه الكبيرة في السن..
اللي أول يوم في فرحها، بدل ما عريسها يحضنها ويسرد قدامها وعود الحب والاحتواء، صرخ في وشها مش انتي اللي بحبها..
ليئه اللي واخده نفسها او اللي اتبقي منها وبتجري بعيد عن صوت يعقوب وهو بيزعق للابان (انت ضحكت عليا وجوزتهالي) مقدرتش تبصله لان حتي عينيها اللي اتملت دموع قال عنهم الكتاب ضَعِيفَتَانِ!!
ليئه كماله العدد، اللي محدش بيتكلم معاها، هيتكلموا معاها ليه، لا جمال ولا خفه ظل ولا اي حاجه...
لكن الله كان ليه نظره مختلفة...
"وَرَأَى الرَّبُّ أَنَّ لَيْئَةَ مَكْرُوهَةٌ فَفَتَحَ رَحِمَهَا، وَأَمَّا رَاحِيلُ فَكَانَتْ عَاقِرًا".
نعم ليئه في نظر الله مثمرة، ليئه مقبولة ومحبوبه، ليئه زمانها زمان الحب...
حب مش من سبع سنين، حب زمنه بيتعدي زمان عمرها، ماهي في فكره من قبل ما تتولد...
رسالة لكل ليئه مكروهة، انتي محبوبه مثمرة ومقبولة بالكامل، انتي رائعته، انتي كاملته ...
- فَمَرَرْتُ بِكِ وَرَأَيْتُكِ، وَإِذَا زَمَنُكِ زَمَنُ الْحُبِّ حز ١٦
- هَا أَنْتِ جَمِيلَةٌ يَالَيْئَةَ، هَا أَنْتِ جَمِيلَةٌ. عَيْنَاكِ حَمَامَتَانِ. نش ١
- أَنَا سَوْدَاءُ وَجَمِيلَةٌ ... نش ١
ورائ الله ان ليئة مكروهة، ففتح رحمها ليخرج من نسلها المسيح أسد يهوذا الغالب، أخرج من المكروهة أعظم إعلان حب مقدم لكل العالمين ...
"يَا لَعُمْقِ غِنَى اللهِ وَحِكْمَتِهِ وَعِلْمِهِ! مَا أَبْعَدَ أَحْكَامَهُ عَنِ الْفَحْصِ وَطُرُقَهُ عَنِ الاسْتِقْصَاءِ"!!!! رسالة رومية (11 :33)...
تحياتى..
