كتب - محرر الاقباط متحدون
شن مغني الراب "ويجز"، هجوما على لاعب كرة القدم البرازيلي رونالدينيو، خلال زيارة الاخير مصر للترويج للسياحة المصرية.
ونشر اللاعب صورة من زيارته إلى مصر، علق عليها ويجز بصورة لرونالدينيو ظهر فيها وهو يحمل علم اسرائيل، وكتب عليها: "جئت متأخرًا، سافر لمكان آخر".
وابدى عدد من رواد موقع تويتر استيائهم من ويجز وجاءت تعليقاتهم :
انا مش معاه بصراحه في رد فعله ده، اولا دا ضيف عندنا مهما كان لازم نعاملة بكرم أخلاقنا فقط، ثانيا والأهم بقي ان دا راجل برازيلي مش عربي.
يعني ممكن ميكونش يعرف اصلا ان مصر حاربت قبل كده البلد دي او لا ولا يعرف اي شئ عن العلاقات بين البلدين فامكنش فيه داعي.
وكتب عمرو الهواري :" ويجزمعملش اي حاجة لبلدة مفيدة ولا دعم بلدةولادفع لصندوق تحيا مصر بس بيهاجم زيارة اسطورة الرياضة رونالدينهو بعد زيارة لتشجيع السياحة في الظروف المهببة لصالح عصابات فلسطينية.
وتابع :" يا ترى ويجز عمل اية لبلدة و لقطاع السياحة .هل عندة اي موقف ضد الارهاب.لا بس هي مزايدات رخيصة.
كما علق الكاتب محمد ماهر :" تخيل واحد زي رونالدينيو منزل صورة على صفحتة من مصر فيدخل الأخ ويجز يقوله سافر لمكان اخر.
متخيلين حجم العبث والمسخرة اللي احنا فيها بدل ما نستغل وجود واحد من أساطير الكرة في التاريخ على ارضنا ندخل نزايد عليه بصورته بعلم اسرا_ئيل دا على اساس ان العلم دا مش مرفوع في سماء كل الدول العربية والاسرائليين نفسهم مش بيدخلو مصر.
يا اخ ويجز مصر دي مش بيت والدتك عشان تطرد حد منه وجو اللقطة والمزايدة دا مش هيحرر القدس ورونالدينيو لو راح غزة بكرا هيرفع العلم الفلسطيني والناس هتتجمهر في الشوارع عشان يتصورو معاه.
ورونالدينيو اسمه بالكامل رونالدو دي أسيس موريرا، ولد في 21 مارس 1980 في بورتو أليغري، هو لاعب كرة قدم برازيلي معتزل، يعتبر رونالدينيو من أفضل لاعبين كرة القدم على مر التاريخ ، آخر فريق لعب معه هو فلومينينسي البرازيلي ، وهو مختص بالركلات الحرة، وقدرة كبيرة على المراوغة الاستثنائية واللعب السريع.
ومن المعروف رونالدينيو بالبرتغالي بمعنى «رونالدو الصغير» في البرازيل لقب «غاوتشو»، من أجل التمييز بينه وبين رونالدو، الذي كان يسمى بالفعل «رونالدينيو» في البرازيل.
