محرر الأقباط متحدون
قالت عفاف السيد ، الروائية والناشطة ، والكاتبة الصحفية على حسابها الرسمي علي فيسبوك : نيڤين صبحى ست مصرية من قرية سبك الاحد الآشمون في المنوفية راحت الصيدلية تجيب دوا قام الصيدلي الإرهابي علي أبو سعدة أمرها تغطى دراعاتها لأنها لابسة نص كم في نهاررمضان زي ماقالها .. وارها به نقح عليه قام لاطشها بالألم ع وشها عادي كده.. اومال ايه .. ست ومسيحية ويسيبها من غير حجاب وتلبس نص كم كده عادي زي الخاليق .. ازاي !!.. العجيب بقى أن الكنيسة اتدخلت للصلح وحضر الكاهن المجلس العرفي وفرضوا عليها الصلح وهي مضروبة ومهدرة الكرامة وقفوها تتصور كمان .
وتابعت ، والكلام دلوقتي .. دور المجالس العرفية دي لما تكون الأطراف ف نفس المستوى ويكون المجلس ممثلا للمجتمع كله بشكل متساوي.. لكن كل المجالس العرفية مسلمين بس ورجالة بس ومن علية القوم بس .. يعني اللي مالوهمش ضهر والفقرا والمسيحيين ف قعر القفة ومتداس عليهم من قبل ما يجتمع القوم يشربوا شاي ويتصوروا وهمه بيضحكوا ويأمروا ست مصرية متهانة ومتعرضة لعنف وكرامتها اتمسح بيها المنطق .. يأمروها أنها تقف تتصور للبرهنة على الصلح.
الكنيسة بقى ايه دورها هنا غير أنها تضغط برضو ولكن باسم الرب .
وأكملت ، أما بقى القانون وحق المجتمع حتى لو الضحايا اتنازلوا تحت ضغوط فده مالوش دور هنا في علاقة بين ارها بين ومواطنين .. فين بقى الدولة بقوانينها الحامية والرادعة وخاصة لما يتعلق الأمر بالتواجد في المجال العام .
ده موضوع مايتسكتش عليه ومايتطلسأش ويتاوى لان الضحية هنا ست ومسيحية وف بلد ريفي كل الناس عارفة بعضيها .. ولأن المجرم اعتدى عليها ف مكان عمله اللي المفترض مكان تداوي .. والمجرم احتمى بذكورته اللي ناقحة عليه عشان مش قادر ياعيني على رؤية دراع .. ولأنه احتمى بدينه اللي اداله حق الغلبة والتغليب والاستحواذ على المجال العام بفرض شروطه على الآخرين وخاصة الستا ت وبالذات لو كانوا مسيحيات .
يا كيانات وأجهزة الدولة لازمن التدخل هنا لحماية المجتمع من العنا صر الإرها بية دي لأننا ف دولة مش ف قبيلة بتنتهك فيها حقوق الفئات اللي بيفترضوا انها الأضعف وأنها هتقبل المرمطة وتخرس .
واضافت ، ايه علاقة المؤسسات الدينية سواء جامع أو كنيسة أو معبد بحل النزاعات بين المواطنين اللي مفترض ان الدستور كفل اهليتهم وأنهم متساوين اودام القوانين ، النزاعات تحكمها قوانين مش مجالس عرفية فيها رجالة مسلمين بس ... ومش جامع أو كنيسة يدوا أوامر للطرف المضار والأضعف عشان يتنازل عن حقوقه وكرامته ويتصالح ، الدولة لازم تتواجد في موضوعات اللي بتهدد السلم الاجتماعي وبتسيد نوع وطائفة ودين .
واخيرا ، طالبت محاكمة الصيدلي علي ابوسعدة وحق نيڤين صبحي لازم يرجع
