تحدث الفنان تامر عبد المنعم عن رأيه بالفنان يوسف الشريف، وذلك خلال فقرة سابع سما وسابع أرض، ببرنامج سابع سما، تقديم الإعلامية راغدة شلهوب، والتي تعرض فيها صور لنجوم الفن ويصرح الضيف عن رأيه فيهم.
وقال تامر عبد المنعم خلال لقائه المذاع عبر قناة النهار: يوسف الشريف خدت موقف منه عن موضوع اللمس ووحيد حامد الله يرحمه هاجمه لو هو مش عاوز تمسك وتتلامس دي أبجديات التمثيل، ودي حرية شخصية ضد فكرتي أنا شايف أن في مشاهد محتاج يكون فيها حب أو واحدة بتقيس الضغط أو أبوس راس أمي، ومغازلة خفيفة.
كما تطرق بالحديث عن منة عرفة، قائلًا: مين منة عرفة؟ اللي بتتجوز وتطلق في نفس الوقت من نفس الواحد، زمان ستي وستك كانوا بيقولوا ما تنشرش غسيلك اللي مش نضيف مش كل حاجة بتتقال اللي جاري منها هي وطليقها كتير وأوفر وهي ظالمة كمان لو بتعاني يوميا اخلعي من الجوازة ربنا يهديها.
وتابع: ما اعرفش جوزها شغال إيه، بقول له اشتغل أكتر اعمل تريند في شغلك أكتر المشاهدات والحديث والبحث عن منة عن موضوع جوزاها وطلاقها، لكن أنا لو عملتي بحث عني كل الأخبار عن قصر السينما.
واستكمل: منة كانت جميلة وصغيرة والناس بتحبها ليه عملت كده.. ويا ترى طلع عندها كام نبضة في مشهد جس النبض أهدي بقى يا منة وابدأي صفحة جديدة.
