كتب - محرر الاقباط متحدون
نشر اليوتيوبر على غزلان مقطع فيديو له من ملاوي وقال فيه :" مكنتش اتخيل في يوم من الايام ان اليوم دا يجي وهو اني اشوف شخص بيعتنق الاسلام.
وتابع :" وان شخص يدخل الاسلام على ايدي دي حاجة مكنتش احلم بيها خالص، وعلق على الفيديو :" حلم كنت بحلم بيه واتحقق .. فضل كبير من ربنا اتحقق في شهر رمضان، النهاردة في ملاوي ، ٢٢ واحده دخلت الإسلام ، ونطقت الشهادة علي ايدي .
واختتم :"شرح الله صدركم ، وأنار وجهكم ، وثبتكم علي الحق وأدخلكم الجنة.
وعلق على تصرفه الكاتب محمد النشار :" قرر انه يعمل اقذر حاجة ممكن يعملها انسان في انسان جعان او محتاج.
مضيفا عبر حسابه على فيسبوك :" الأخ علي غزلان المفروض انه مشارك في حملة لاطعام فقراء دولة ملاوي اللي بيكلو ورق شجر وقرر استغلال دا في دعوتهم لدخول الإسلام وانا بالمناسبة معنديش مشكلة ان اي حد يدعو اي حد لاعتناق اي دين لكن فكرة انك تحط أكياس الطعام وراء ظهرك وتقف تدعو الناس لاعتناق دينك دي فكرة حتى ابليس نفسه اخلاقة ما تسمحلوش انه يفكر فيها.
موضحا :" ملحوظة الديانة الرسمية التانية في ملاوي هي الإسلام على فكرة يعني ال ٢٢ بنت صغيرة اللي حضرتك اقنعتهم يدخلو الإسلام بكرتونة رمضان دول مش هيزود الإسلام ولا هينقصوه، واختتم :" افاق جديدة من السفالة.
وكشف حساب باسم علاء الدين ان غزلان كل ما يهمه ركوب التريند قائلا :" بينما انتوا تلهوا وتفطر، على غزلان بيعمل عظمة في مالاوي وبيخلي المسلمين يسلموا على يده... 22 ست مسلمة ادخلهم الإسلام.
وكتب احمد عرفات :" "علي غزلان". راح لقرية في أفريقيا "مالاوي". عشان يقدم ليهم مساعدات غذائية ومنزل وهو بيلقن الأطفال "لا إله إلا الله محمد رسول الله".. وقال كمان إن في 22 طفل "دخلوا الإسلام بسببه". والحقيقة يا علي. اللي حصل ده منك حاجة في قمة الانحطاط وانعدام الإنسانية وإنك "تستغل فقر الناس والجوع وعدم المعرفة .. عشان أي سبب كان في دماغك مش صح ولا حاجة كويسة".
مضيفا :" مفيش أسوأ من اللي بيستغل الفقراء والمساكين، ودي مش أول مرة يا علي تعمل حاجة عشان "اللقطة والتريند" .. ومش ناسي اللي عملته لما كنت عمال تقول للناس "الصلاة والدين والتزموا". وفي الآخر طلعت بتعمل "إعلان عن براند سجادة صلاة.. وطلبت من الناس تدعي ليك على السجادة اللي هما هيشتروها". على أساس الناس عبيطة مثلاً ومش فاهمة كفاية قرف واستغلال ":).
