مغيث: مش منطقى تعين 1000 عضو بالنواب والشيوخ وصرف الملايين عليهم لمجرد شكل الدولة

الاقباط متحدون
قال كمال مغيث المفكر المصرى والخبير التربوى أن ما يفعل الدكتور مصطفى مدبولى رئيس الوزراء مدبولى شىء جبار عندما يقول ان مش منطقى ان رغيف العيش يفضل بخمسة صاغ ووراح فارد كتافه وكأنه جاب الديب من ديلة..

وتابع مغيث : بس اللى معاليه مش واخد باله منه:انه مش منطقى ان يبقي فيه خمسين في المية من الشعب تحت خط الفقر.. ومش منطقى ان الديون تتضاعف تلات مرات فى ست سنين.. ومش منطقى ان فى بلد فقيرة ومديونة يبنى قصور قد كده واتخن جامع وافشخ كنيسة واكبر برج

وتابع : مش منطقى ان حكومتك تعين اكتر من ألف عضو نواب وشورى.. وتصرفوا عليهم مئات الملايين.. لمجرد استيفاء شكل الدولة.. والموافقة على غباواتكم.. وهما ممنوعين اصلا من استجواب وزير..ولا منطقى ان الموظف بعد حوالى اربعين سنة خدمة ياخد معاش ميجيبش سته كيلو لحمة

وبالمرة بقى.. عليا النعمة عمرى ماحسيت ان وجوده رئيس للوزراء منطقى ولا له علاقة بالمنطق اصلا