محرر الاقباط متحدون
حلّ المخرج هادي الباجوري، ضيفاً على الإعلامية ياسمين عز، مقدمة برنامج "كلام الناس" عبر فضائية "إم بي سي مصر
وكشف الباجوري عن رأيه في المشاهد الفنية الساخنة والأعمال التي تحتوي على قبلات وأحضان، مؤكداً أنه ضد إلغاء المشاعر من السينما.
ورد المخرج على الانتقادات التي تعرض لها بسبب آخر أفلامه قمر 14، حيث ضم الفيلم مشهد قبلة في نهاية الفيلم بين خالد النبوي وشيرين رضا، لافتاً إلى أن البوس في السينما شيء طبيعي.
وقال الباجوري: "بوسة فيلم قمر 14 عادية جدا، والبوس كان عادي من 20 سنة وأنا مش هغير نفسي عشان الجمهور، هما اللي يتعالجوا والبوسة ليها حب ومعنى في الفيلم ومش زيادة عن السيناريو".
وواصل: "إحنا شعب غريب أوي والأفراح كلها راقصات عادي وأحنا شعب مركب وعندنا انفصام في الشخصية وبنحط راسنا في التراب وكل واحد حر يعمل اللي عايزة، واللي مش عاجبه ميتفرجش أحسن".
وأضاف المخرج: "البوسة مفيهاش حاجة غلط زيها زي الحضن فيها مشاعر كبيرة، وفيه فرق بين بوسة الحب وبوسة القذارة".
وتابع: "الممثلة اللي مش مستعدة للهجوم متشتغلش ممثلة أحسن، ومعنديش مشكلة ياسمين رئيس تعمل مشهد رومانسي في أعمالها، ومقدرش أقول غير كده لأني بعمل مشاهد رومانسية وإزاي هقولها لا؟ هتقولي أنت منافق".
وواصل الباجوري: "كلام الناس لا يشغلني في شغلي ولا حياتي وممكن يضايقني أو يزعلني بس بنسبة بسيطة، ولكن مش بيقودني، ومش بقيس نجاحي بالسوشيال ميديا ولا الشارع، وممكن عمل يكون ناجح ليا ومش عاجب الناس".
وأشار: "زوجتي شاطرة مش مستنية أن حد يقول عنها إنها مرات المخرج"، مردفا: "الناس دلوقتي بتقولي يا جوز الممثلة ودي حاجة بتبسطني جدا".
وعبر المخرج هادي الباجوري عن سعادته بـ نجاح زوجته ياسمين رئيس، مضيفاً: "الإنسان السوي والطبيعي بيكون مبسوط بنجاح زوجته".
