عمرى ما دخلت أوض نوم البنات وفي منهم اللي بتحبني وبحبها.. أقوال محمد الأمين في اتهامه بهتك عرض فتيات

 

وحصل القاهرة 24، على التحقيقات في القضية رقم 1418 لسنة 2022 جنايات التجمع الخامس المقيدة برقم 34 لسنة 2022 كلي القاهرة الجديدة، والمتهم فيها رجل الأعمال محمد الأمين بهتك عرض والتعدي على فتيات دار أيتام الأيدي الأمينة ببني سويف.

 

ووجهت جهات التحقيق بالقاهرة الجديدة، إلى رجل الأعمال محمد الأمين المتهم بهتك عرض فتيات دار أيتام الأيادي الأمينة ببني سويف، اتهامات وإلى نص التحقيقات:

 

س: ما قولك فيما هو منسوب إليك من أقوال باتهامك في مواقعة المجني عليهن كل م، ل. س، وه. س، وف. ص، بغير رضائهن حال كونهن لم يبلغن ثمانية عشر عاما من العمر وحال كونك من المتوليين ملاحظين لك وسلطة عليهن علي النحو المبين بالأوراق؟

 

ج: محصلش الكلام ده

 

ج: علاقتي بيها كويسة جدًا، وهي جات من دار فتيات العجوزة تقريبًا في شهر يونيو 2021، وكانت جاية مع البنات الكبيرة وجاءت مباشرة على الساحل الشمالي وبعد کده روحنا على الدار بتاعة بني سويف، وانا علاقتي بيها طيبة وأنا عايز أقول إن الطفلة ل. س، بالذات كان عندها جدة اسمها فكرية كانت على طول تتواصل مع الدار وكانت تطمن على البنت على طول وكانت بتكلمني على طول وتشكرني على حسن المعاملة.

 

س: ما قولك فيما قررته سالفة الذكر بتحقيقات النيابة العامة بقيامك باستغلال عدم تواجد المشرفات بالأطفال داخل فيلتك الخاصة بالساحل الشمالي في اثناء تواجدهم بالحديقة الخارجية وطلبت منها الدخول إلى غرفتك الشخصية وحسرت عنه ملابسها؟

 

ج: الكلام دي محصلش أنا مكنش ليا غرفة أصلا في فيلا مارينا الساحل الشمالي زي ما هي بتقول وانا بستشهد بالمشرفات اللي كانوا موجودين سلوى والاء وهيام وريهام، أني عمري ما دخلت أوض نوم البنات ومكنش عندي أوضة هناك نهائيا.

 

ج: الكلام ده محصلش على الإطلاق

 

ج: لم يحدث نهائيا وعقاب الضرب ده مكنش موجود نهائيًا عندنا

 

ج: لم يحدث نهائيا احنا ممنوع عندنا العقاب بالضرب نهائيا

 

س: ما قولك فيما قررته سالفة الذكر بأن واقعة التعدي الجنسي سالفة البيان تكررت بدار الأيدي الأمينة حيازتك مرات عديدة بذات الصورة بغرفتك الشخصية؟

 

ج: لم يحدث نهائيًا

 

ج: أعتقد أنه تم الضغط عليها بأسلوب معين عشان تقول الكلام ده والكلام ده ملقن

 

ج:  علاقتي بها طبية جدا جدا وأنا بحبها وهي بتحبني جدا وهي كانت جاية الدار عندها مشكلة في الكلام وانا اخدتها بناء على توصية من وزيرة التضامن الاجتماعي شخصيًا؛ لأنها كانت عندها ظروف معينة لأنهم اكتشفوا إن في ست استغلتها وهي مش أمها، وهي غير معلومة النسب وعشان ظروفها دي انا شوفت البنت دي مع الوزيرة في احتفالية وقالتي يا ريت تدخل عندك الدار وترعاها أقول كمان ان البت دي بالذات ارتباطها بالوزيرة كبير والوزيرة كانت في زيارة في بني سويف، بل أربعة أيام من استلام البنات ن عندي في الدار وعدت مخصوص عشان تشوفها هي ووكيلة الوزارة احسن أبو زيد والمسؤول عن الطفولة في بني سويف

 

ج: الكلام ده محصلش طبعًا

 

س ما قولك فيما أضافته سالفة الذكر بأنك في إحدى المرات داخل الدار ببني سويف وفي أثناء تواجدكما بمفردكما قمت بلمس مؤخرتها أسفل البنطال التي كانت ترتديه؟

 

ج: الکلام کله محصلش خالص

 

ج: تم الضغط عليها بأسلوب معين عشان تقول ده

 

س: ما قولك فيما أضافته سالفة الذكر بأنك قمت باصطحابها داخل إحدى الغرف بالدار وصفعها على وجهها وتهديدها بالرجوع إلى المؤسسة الإصلاحية مرة أخرى بسبب تأخرها عن الصلاة؟

 

ج: الكلام ده لم يحدث نهائيًا وأقصى عقاب ليهم على قلة الصلاء أو التأخير فيها عدم اصطحابهم في النزهة والرحلة الأسبوعية

 

ج: تم استقبالها منذ أن أنشأت الدار في منطقة بوش، هي واختها هاجر وسماح ونقلوا معانا إلى دار الأيدي الأمينة بمنطقة الحمرا وعلاقتي بيها طيبة بس هي كانت شقية شوية، وانا طلبت من وكيلة الوزارة نقلها من الدار وبالفعل تم سحبها من عندي وتم ايداعها في دار أخرى لمدة شهر عشان تعرف الفرق بين الدار عندي والدار اللي هي راحته واستسمحوني ورجعتها تانى وعايز أقول أنها كانت جاية من الشارع؛ لأن والديها كانوا مقعدينها تتسول في الشارع ومديرية التضامن في بني سويف، كلموني وقالوا لي خدها، بس هي كانت بتعمل مشاكل.