كرستين إبراهيم
كشف محمد الناظر، نجل الدكتور هانى الناظر، استشارى الأمراض الجلدية ورئيس المركز القومى للبحوث الأسبق، عن تطورات الحالة الصحية لوالده، مشيرا إلى أن حاليا فى المستشفى، مطالبا من محبى الدكتور الدعاء له.
وكتب محمد الناظر، عبر حسابه على فيس بوك: "شكرا لكل الناس اللي اهتمو بصحة الوالد وبعتذر اني مش برد على حد فحبيت اعرفكم الوضع عشان الناس اللي عاوزة تعرف، الوضع حاليا كالاتي:
هو كان عنده كورونا بقاله حوالي ١٢ يوم وكان الوضع بيتحسن ومستقر وكان بقى شبه طبيعي، لكن فجأة الحرارة عليت تاني وتعب والتحاليل ساءت فجأة، فكان رأي الدكاترة انه لازم يدخل مستشفى لتجنب مزيد من التدهور.
حاليا هو في المستشفى معزول، ماحدش فينا بيدخل له، لكن معاه تليفونه لو حد يحب يكلمه اعتقد هيكون مبسوط عشان مايزهقش وهو لوحده، ونتمنى ان الوضع يستقر ويخرج في اقرب وقت، وطبعا مانعرفش ممكن يحتاج كم يوم، حسب ما الأمور تمشي.
دعواتكم
