كشفت محافظة القاهرة حقيقة بيع منطقة الحي السادس بمدينة نصر غرب لمستثمرين، وذلك بعد صدور قرار بإزالتها بالكامل لإعادة تطويرها.
وأفاد موقع "مصراوي" بأن إبراهيم صابر، نائب محافظ القاهرة للمنطقة الشرقية، عقد اجتماعاً مع عدد من أهالي منطقة الحي السادس بمدينة نصر غرب.
وقال نائب المحافظ، إن الحكومة تضع أولويات ومصلحة المواطنين في الاعتبار، مضيفاً: "لو إحنا عايزين نحل الموضوع الناس نقدم وتعمل إجراءاتها وتوصل للحي والموضوع يخلص".
وأضاف صابر: "اللي عايز عقد يكتب ورقة ويقول أنا عاوز عقد واللي عايز تعويض يكتب أنه عايز تعويض".
وأشار نائب المحافظ إلى أنه لن يتم بيع المنطقة للمستثمرين كما يتردد، ولكن سيتم إعادة تخطيطها من جديد بشكل أفضل، ومن يريد من السكان الخروج سيتم تعويضه حسب سعر المنطقة.
وتابع: "المساكن دي كانت بتاعت المحافظة وأوراق الناس موجودة لدى الحكومة، والموضوع إعادة تخطيط للمنطقة وليس لصالح مستثمرين".
وعن الخيارات المتاحة أمام السكان، قال صابر: "عارضين العودة في نفس المكان بنفس المساحات بنظام الإيجار حسب الاتفاق أو هناك مشروع جاهز يمكن التسكين فيه مع دفع الفارق المادي أو يوجد مشروع إسكان في مكان بديل لمن يرغب".
وأكد نائب المحافظ: "الناس قبل ما تتحرك هتبقى راضية وضامنة أنها خدت التعويض اللي يناسب مصلحتها، المحل ممكن ياخد تعويض نقدي أو يرجع تاني في نفس المكان ولكن الأنشطة المقلقة للراحة ممكن يكون ليها أماكن تانية".
