ماجدة سيدهم
ابني أو ابنك  حتة من قلبي وكل روحي 
 
 يمكن مش  قادرة آجي أقف بدالك   أو أكون جنبك في الاتساع الجليدي  دا   .. أدفي ايديك وأشاركك  يابني رغيف التلج وغفلة نومك المؤقتة 
  كل مرة أدخل اوضب   سريرك  أشوفك   هناك ساند راسك على صقيع   سلاحك ..
 
  مش قادرة اعمل حاجة . لكن  حماية البلاد يابني شرف ومهمة النبلاء   والرجال العظام ..وأنت عظيم وكبير  ..
 
مع كل حبة مطر  بتدق  على الشباك   برفع  معاها قلبي إليك يارب .. احمي أغلى الشباب .. اسكن  معاهم الحدود المتغطية بالبرد والمبطنة  بشرف الضمير..
 
دفي قلوبهم   بالسلام  .. احفظ نفوسهم من الشر وكل محاولات الغدر .. باركهم  يايسوع   واسند تعب ليلهم السهران .. كن لقمتهم  الشبعانة و غنوتهم المحبوبة   وضحكتهم االلي م القلب  ...
 
حضر معاهم شجرة الميلاد السعيد ..ارسمها معاهم على رمل الحنين   وغربة الطريق.. زينها بأحلام الشبيبة   وانتظار  الفتيات الحلوات... رتب معاهم  يارب  طاولة الأعياد  بأشهى  الضحكات ونبيذ   شغف اللقاءات القريبة  .. وقرب   المسافات بينهم وبين قلب كل الأمهات 
 
 كلل حياتهم  بشرف الرجولة الفخمة  والفرح  كل الأيام ..
 
ياوطني الغالي ماتنساش اللي في ظهرك و بيحميك بعمره هم أغلى الشباب  وأهم الشباب ..
 
(كل واحد في الصورة ممكن يكون ابني او ابنك وغيرهم كتير ... فأقل شيء نصلي علشانهم    )