علق الفنان شريف منير على موسيقى الأندر جراوند والمهرجانات، معربا عن إعجابه بـ«ويجز» لأنه «شاطر ومجتهد وبيقول كلام كويس».
ورداً على سؤال الإعلامية لميس الحديدي حول التناقض بين كونه معايش لصلاح جاهين ثم الانتقال لويجز، قال: «أعتقد لو كان الأستاذ صلاح جاهين عايش كان هيحب ويجز.. لأن الموضوع اللي شغال دلوقتي فيه لبس ولخبطة ومحدش محددها».
وأضاف أن الفنان «هاني شاكر ليس بوسعه منع موسيقى بعينها، ما ينفعش يمنع موسيقى، ولو حد عنده طاقة غنائية كويسة وبيعرف يغني وحتى لو صوته أجش زي IAM STRONH وكان فيه ممدوح قاسم في فرقة المصريين عندهم أصوات جشة بس خامات صوتهم كويسة».
وواصل: «أعتقد أن خامة الصوت ونوع الموسيقى مش هينفع تتغير، وأعتقد أن الأستاذ هاني شاكر مش بيتكلم عن الموسيقى أو الصوت لكن على الكلام».
واستطرد في لقاء خاص خلال برنامج «كلمة أخيرة» الذي تقدمه الإعلامية لميس الحديدي على شاشة « «ONقائلاً: «اللي يعرف يغني يغني بالعكس مغني المهرجانات، والشعبي ليه شعبية كبيرة، ممكن من خلال أغانيه يغير جيل، لكن الكلمات البذيئة غلط وماتنفعش، الفن كله منفد على بعضه لو سمعنا سيمفونية ممكن حد مايتقبلهاش لو مابيحبش فن الأوبرا، فالمسألة أذواق».
