مهندس عزمي إبراهيم
أنا جِرجِـس وأخـويا أحمَــد
اتولدنـا فى يــوم واحــد على تـراب مصـر
لا فى كنيسـة ولا ف مَسجَـد
فكـان مصـرى وأنا مصـرى
كِلانــا.. بالوطـــن.. مُسْـعَــد
*****
أول نســـمة شهقـنــاها، كانــت من نسيـــم النيـــــل
وأول صرختيـــن مِنـّــا كانــوا بالطبيــعة... مَثيـــــل
وأول دَمعتيــــن نزلـــــوا.. رَوُوا أرض وَاديـــــــــنا
ميــلاده، مثــل ميــلادي.. كانــوا للأخــُــوَّة دليـــــل
*****
أراهنــك، رَضَّعـِتُـه أمـِّـى وأنـا رَضَعْــــت من أمـُّــه
أبـوه كـان عطفـُـه كأبويـا وأبويـا بالحق كان عَمـُّـه
وأختى وأختـه كانوا أخوات وكان بينهم كتير حكايات
كانــت أحـوالـه تشـْغـِلـنى وكانــت أحــوالى بتهِمـُّـه
*****
نشــأنا ما كان حــد يوصفــنا بغيـر إن احنـا مصريــين
لعبنــا.. نجحنــا.. وكبـرنـا.. فكنـا فى الطريــق أخّـــين
وكانـت مصـر أم الكـُـل كانـت بيتـــنا وجنتــنا ودنيــانا
وبصّيـــنا لقيــــنا الديـــن حواليـــنا
وَرَثــْــنا الديــن
وَرَثــنا الديـن عن أهاليــنا
عشان ورثــوه.. وآمنـوا بيـه.. فورثنــاه.. وآمنـا بيـه
قبلنا الديـن إيمان فى القلـب والأعمـال، إيمـان باللـــه
إيمــان مضمونـُه "مَجـد اللــه" فى كل "كتـــاب" صريــح معنـــاه
*****
أخى أحمـد
هنـاك أصوات باسـم "الديـــــن" تشتتــنا وتفرَّقــــنا
فى بَحــر الكُـــرْه والأحقـــاد، ولو بنعـُـوم... تغرَّقـــنا
باسـم "الديــن" بينـادوا وهُمَّا أبعَــد ما يكـون عَنـُّـه
إذا مشيـنا فى دا التيـــار لا ديـــن ولا نصــر حَقـقــنا
