قالت الفنانة ياسمين صبري، إنها تخاف من “زعل ربنا” -على حد قولها- موضحة أنه الشيء الوحيد الذي تخشاه في حياتها.
تابعت “صبري” خلال لقاء مع أنس بوخش، في برنامج “ABtalks”: “أخاف أزعل ربنا، لأنه كل حاجة في حياتي.. وهو حبيبي وأنا حبيبته دايما بقول كده هو دا يقيني وأنا حرة.. هو سندي وضهري وهو المحامي بتاعي ووكيلي وهو كل حاجة أنا عليها وكل ما بشعر بكده بيديني أكتر.. وربنا قالها (أنا عند حسن ظن عبدي بي)”.
أضافت: “إحنا فاكرين الدنيا اللي بيحركها الأشخاص، نهائي.. أنا بؤمن أن الكون هو المسخر ليا لأن إيماني بيه كده ولا يمكن يخذلني لأنه وعدني، أنا مبخافش غير منه لأن هو اللي في الدنيا واللي اختبرته إلى الآن هو الدنيا”.
يُذكر أن آخر أعمال ياسمين صبري مسلسل “فرصة تانية”، بطولة أحمد مجدي، أشرف زكي، دياب، محمد أبو داوود، أيتن عامر، محمود البزاوي، هبة عبدالغني، إدوارد، ابتهال الصريطي، ومن إخراج مرقس عادل.
