بقلم- د. دوس عدلي دوس
أقاوم ليل الألام....لأعيش ليل الأحلام
أطرح هم الأزمان...وأناجى رب الأكوان لعل صباحا يأتى برائحة الفل و الريحان
أناجيه على طريقتى..كما علمنى الأباء
وانا سانام قرير العين لو انك انت ايضا على طريقتك تناجى السماء
أنا اقبلك . انا احبك كما انت فلا تجعل حبى يضيع هباء
أهل نحن ابناء وطن واحد ام ابناء بغاء
اتريد اخ لك خائف مكسور ام جسور منصور ملىء بالعزة و الاباء
قل لى انى فى قلبك انا محفوظ و ستعرف انك فى قلبى عقد من المحبة مطروز
لماذا تبغضنى و تضطهدنى و من حقى تسلبنى
ارجوك ان تعى انك الى الأسفل تخفضنى و ستسقط معى
انا و انت معا الى انخفاض او الى ارتفاع..كلام سهل لا يحتاج الى فيلسوف او عقل المعى
تعالى
تعالى نتصالح...بس الأول نتصارح...مش حقولك كل شىء جميل..اكيد فى شىء غلط خلى بيت المحبه يميل
اوعى تصدق ناس من اهلى ليهم مصالح ...بيقولولك كل شىء تمام و صالح
مافيش زعل واصل...رباط المحبه بينا لسه واصل..و يغمضوا عنيهم و يسيبوا اللى حاصل حاصل
دول اسمهم عندنا يهوذات و تلاقيهم فى الموالد بيقولوا التعلب فات و فى ديله سبع لفات
انا بحبك و محتاج اليك..سيبنى اصارحك و افتح عنيك
اه كلنا مظلومين..بس انه عندى فوق الظلم ظلمين و فوق الهم همين و فوق الغم غمين ..وعندى دموع ملو العين
انا عارف انك بتحبنى..بس انت عمرك ما سمعتنى..
طب و احنا ليه نحتار..تعالى نقعد بعد الفطار نفتح قلوب المحبه نلاقى الهم طار
انا يوم سألت محمد و بشاى ..
بتشربوا ايه لما هم الدنيا يتقل زى الحجر؟ قالوا الشاى
ايه الصوت اللى بتحبوه لو الحبيب هجر ؟ قالو صوت الناى
و لو الحبيب يعود نرقص سوا على رنات العود..يعنى طول العمر انا معاك و انت معاى
انا بحبك...متظلمنيش..بلاش انت تظلم و انا اقاوم و هات يدك فى يدى و الظلم نقاوم.