كتب - محرر الأقباط متحدون
قال الكاتب مؤمن سلام في تدوينة عبر حسابه بالفيسبوك، أنا مش بيصعب عليه الإنسان اللي بيروح يسأل شيخ بدل ما يسأل متخصصين فيقع في مصيبة.
مستطردًا، اللي بيروح يسأل شيخ عن فوائد البنوك والشيخ يحرمها، ففلوسه تضيع في التجارة اللي مش بيفهم فيها أو في توظيف الأموال اللي لسه موجود لحد دلوقتي على فكرة.
اللي بيروح يسأل شيخ الدوا ده حلال ولا حرام، فيموت أو يحصله مضاعفات تدمره، اللي بيروح يسأل شيخ أتجوز دي ولا دي فيقوله اظفر بذات الدين فتطلع دينه بدل ما يكمل نص دينه، اللي يروح يسأل شيخ وظيفتي حلال ولا حرام يقوله حرام فيسبها ومايلقيش شغل ويتشرد.
وأختتم بقوله، يعني حتى المثل المصري بيقول "إسأل مجرب ولا تسأل طبيب" قال مجرب مش شيخ، الشيخ لا مجرب ولا طبيب، فبتسأله ليه؟
