بقلم جورج حبيب
ليه علي طول دايما غضبان
وليه في الموقف دايما  غلطان
وليه في قرارك مش موفق
وليه في افعالك ما بتتوفق
ليه زعابيبك زعابيب امشير
لا يوم تهدي ولا يختاروك مشير
ليه بركانك حممه في كل مكان
تحضر فيه والكل منك  مهان
اه لوتهدي ولنفسك تتحكم
لكسبت كتير ولغيرك هتكون  انفع
والحكايه فرقها مش كبير
شوية تحكم دا مش كتير
صلوه صغيره وبسيطه
تهدي وتضيع المصيبه
وتفوت علي ابليس فرصة
وتكسب نفسك  والاسره
صدقني المايه بتطفي النار
وتكسر غضبك ولو جبار
وادي مسيحك كل تواضع
لا يصيح ولا يغضب ولنفسه واضع
وليه الغضب ليه
وليه تغلط وعلي ايه
ماسك نفسه دا انسان قدير
قوه وروح وقهر   للشرير
اهدي وخليك كبير
دا الغضب صفة الصغير
والهدوء دا نعمة كبيرة 
والغضب لعنة  مش صغيرة
خليك لغضبك ناسي
لا يوم تحزن ولا تاسي
وعلي طول تكون فرحان
وبالسلام دايما مليان