بقلم جورج حبيب
خلي عقابك هو غيابك
خلي سكوتك هو عتابك
انسي مشاعرك واقفل بابك
واتعلم من اللي فات
وبلاش تعيد الذكريات
دا كل ذكرى وراها الم
وينفع ايه لو تبدي الندم
وليه غيبت عقلك سنين
ورخصت نفسك لاخرين
قوم وخليها انتفاضه
وانفض نفسك من كل غباره
وافتح لحياتك صفحة جديده
وافرح بربك لسنين عديدة
واعرف يوم تستوعب الدرس
واتعلم تكبر بدون صغر نفس
وصدقني يوم ما تصادق
صادق ربك ووحده هو الصادق
لا يوم ابدا هيخون
ولا يتصرف زي صديق مجنون
والبشر بشر بضعفاتهم
ودي حياتهم ودي طبايعهم
وحاول تنسي ولا تحاسب
هتخسر ولا غيرك حاسس
وارجع وامسك بايد ربك
ما يوم تندم ولا تتحسر
واسال كل القديسين
ليه للناس كانوا ناسيين
ومع ربنا كانوا عايشين
وتحت جناحه متمتعين
لا شيطان يقدر يهاجمهم
ولا بشر يضايقوا بعشرتهم
خلصوا الرحلة بامان
لا يوم اتضايقوا ولا احدهم تعبان
