كتب:محرر الأقباط متحدون
قال الدكتور محمد عوض تاج الدين مستشار الرئيس للشئون الصحية خلال مداخلة مع الدكتور معتز عبد الفتاح مقدم برنامج "تحت الشمس" عبر قناة "الشمس" عن الأعراض المصاحبة لتطعيم كورونا "الغالبية العظمى مش بيحصلهم حاجة، والناس بترتفع حرارتهم ليوم أو يومين، وناس بيجيلهم شوية ألم مكان الحقن، ولكن بالمتابعة الدقيقة للملايين اللي تم تطعيمهم لم يحدث أي أعراض خطيرة لأحدهم والحمد لله".
تابع: "هناك إقبال حقيقي وزائد على التطعيم ما يفسر الزحام أمام مراكز تلقي اللقاح، أنا بنتي راحت اتطعمت الأسبوع اللي فات وفضلت واقفة في الطابور 5 ساعات لحد ما اطعمت بسبب الإقبال الشديد، وجالها شوية سخونية بعدها مش أكتر، ومعلش نستحمل بعض بشوية صبر عشان نعدي بسلام".
