بقلم جورج حبيب
فكرت في حالي لقتني بعيش وحدي
ولا عايز حد غيري يشاركني عمري
وكان الكون كله لي
ولا حد يتنفس الا بيي
وغيري ملوش اي حقوق
ونا الكل في الكل ومش محقوق
ودايما اقول يله نفسي
وغيري مش عاجبه يبقي يمشي
وانا اللي دايما قدام
والكل ورايا دا انا الهمام
ماحد يعرف حاجه غيري
ولا حد في مستواي يساوني
واالكل لي يسمع
ولي لازم يخضع
ونسيت اني شوية تراب
يوم هندفن وابقي سراب
وصفحه في كتاب ينطوي
لا احد يقراه ولو كان قوي
واصبح في يوم ذكري
ولا كنت فاكر ان ده يجري
وهوه دا حال العالم الحالي
الكل ماشي وكله فاني
ولسه بفكر اني عايش وحدي
ولا حد زيي ولا حد مثلي
ويا ريت افوق واقول
كلام يدخل العقول
اعرف حقيقتك يا مسكين
شوية تراب انت وشوية طين
فكر في اللي باقي علي طول
الابدية ومن اجلها كله يهون
القديسين عرفوا وفهموا الموضوع
واتواضعوا بكل خضوع
ولامتي حكون اعمي القلب وناسي
عمال اتكبر والناس مني تقاسي
ويا ريت اغير التفكير
لو فات الاوان حندم ندم مرير
