ممدوح الديري
جايز افكار العالم تشغلني واغني للعالم اغنية
وعلشان أنا عايش تايه،
تسمعني المرة الجاية
راح انظم اشعاري في حبك وادمع واكتب امانيه
واتكلم وجراح القلب تشيلك،،،،،، مشتاق أنا للحنية
واتكلم عن حبك واحسانك
ليا
وشوية ارجع تلاقيني للعالم، كاتب اغنية،
وانا زي الموج مايوديني عالشط بتلون بلون الارضية،
أنا حالة غريبة وفي العالم عايش وبنازع
وانا واثق الغلبة ليك فيا
وكلام العالم والدنيا
كلها أمور وقتية
راح اسيب العالم والدنيا وارجعلك وتعضد فيا
ومهما اتمرجح وتزين،
بزينة العالم
دي قشور مش تمسك فيا
