كتب – محرر الأقباط متحدون
أعربت الإعلامية سالي عبدالسلام، عن استيائها بسبب المعاملة الغير اللائقة من بعض الإعلاميين لضيوف حلقاتهم، يأتي هذا تزامناً مع أزمة مي حلمي، مع لاعب الزمالك السابق أحمد صالح نجم الزمالك، خلال حوارها معه في برنامجها "الحكم" المذاع على قناة "الحدث اليوم".
وقالت سالي عبدالسلام، عبر حسابها الرسمي بموقع الصور والفيديو إنستجرام، "مش أي حد بيعرف يتكلم يشتغل مذيع، ما البغبغان بيتكم".
وتابعت "الشغلانه دي من أرقى وأفضل الشغلانات، وميشتغلهاش إلا اللي عارف قيمتها، واللي مش عايز يتعب ويحترم الناس وعقلهم وقلبهم، ويبقى صوتهم ويوصل لقلبهم ويفيدهم، ويدخل بيتهم، ويبقى واحد منهم قبل ما يشيلهم فوق راسه، ويكونوا ضيوفه في الاستديو عنده ميشتغلهاش ويقعد في بيته أحسن".
وأضافت: "لو هتطلع عشان التريند والسكوب أنسى أن ربنا يديك من فضله لا، وهتاخد على قد نيتك وهتزعل، وزي ما قولتها من سنين وأنا بعلمها وهفضل أقولها… ملعون أبوالسكوب اللي هيجي على حياة شخص.. لو مش هيدعولك تخسر كتير لعلها المنجية".
واختتمت حديثها بالدعاء: "اللهم وفقنا لما تحب وترضى.. اللهم حبب فينا كل خلقك.. أجعلنا سند وضهر وعون وسيرة طيبة بعد ما نمشي.. وعلى نياتكم ترزقون".
