كتب - محرر الأقباط متحدون أ. م
استنكر مطرب المهرجانات حمو بيكا، الساخرين منه ومن عدم حصوله على قدر تعليمي ومهاجمته بالجهل، قائلاً: ولو عني جاهل ومش متعلم .. مع ان دي حاجة أنا عمري ما انكرتها ولا حتي خبيتها علي الناس ، ومن يوم ما ربنا كرمني واتشهرت وبقي ليا جمهور، بس هرجع واقولكم تاني انها حاجة مكنتش بإيدي.
مضيفًا في تدوينة عبر حسابه بالفيسبوك، أنت بقي يا "متعلم "، التعليم علمك انك تقعد تعاير الناس بعيوبها؟
التعليم علمك ان تفضل تتنمر علي خلق الله ؟
التعليم علمك انك مباح ليك الشتيمه في حد هو اقل منك في شئ؟
اكيد لا، فمتجيش من ورا شاشه وكيبورد تعمل فيها عم الناصح
وانت اصلاً موراكش حاجة تعملها !
انا متعلمتش ومنولتش الشرف الكبير ده، بس اتعلمت حاجات كتير في الدنيا انت متعلمتهاش لسه
وأختتم بقوله، اتعلمت احترم الكبير والصغير .. اتعلمت اشقي واتعب من صغري اتعلمت اني مغلطش في حد .. اتعلمت حاجات كتير جدًا في حياتي انت عمرك ما هتتعلمها طول ما انت باصص للناس ..!
فكر في كلامك كويس وكومنتاتك كويس قبل ما تكتبها
وقبل ما تقول انك متعلم افتكر انك في "تربيه وتعليم" يعني التربيه قبل التعليم .
