كتب:محرر الأقباط متحدون
علق الفنان التشكيلى أحمد شيحة على الجدل المثار حول اعتزال ابنته حلا شيحة الفن وتحريمها له، باكيا فى تصريحات لبرنامج كلمة أخيرة، المذاع على قناة on، والذى تقدمه الإعلامية لميس الحديدى: حلا بنتى طيبة ونيتها طيبة وليست خبيثة ومحبة لكل زملائها من قلبها، وأيه فكرة البوست اللى نازل بعد ثلاثة أسابيع من عرض فيلم "مش أنا "؟، إيه النتيجة بتاعته بوست مجانى معمول كده عشان الناس تهاجمك؟ ده كمين معمول للبنت.
وتابع شيحة لن أسمح باختطاف "حلا" بأى حال من الأحوال وهقف ضد أى حد فى الدنيا مهما كان عمرها ما قالت أن الفن حرام لا زمان ولا دلوقتى حتى لو اتحجبت.
وبشأن اتهامه لزوجها معز مسعود بتحريضها على ذلك، قال شيحة: أنا وصيته يقف جنبها ويحافظ على فنها ووعدنى بذلك لكنى لقيت بعد عودتهم من دبى البوست الغريب ده والتصرفات دى، وحلا اتغيرت طبعا ووقت ما عملت الفيلم كانت فى منتهى السعادة وعجبها كله وأنا كلمت تامر حسنى وهو كلمنى وهنأته بالفيلم، وبعد ما ظهرت بالطرحة أثناء زيارتها لدبى، بدأت ألاحظ التغيرات دى وكلمتها كتير وقتها وقلتلى أنا بوعدك ماحدش هيعطلنى عن فنى وهكمل مسيرتى وقالتلى بوعدك وعد يحاسبنى ربنا عليه.
