بقلم جورج حبيب
ادخل يارب سفينتي
وانقذني من الهلاك
دا الموج عاتي و عالي
وهيحطم سفينتي هناك
وانا في البحر تايه
وخلاصي لازم هيكون وياك
انا قلت اقود سفينتي
لاني شاطر ومش محتاج
علشان حد يساعدني
ما انا شاطر وممتاز
ونزلت البحر وحدي
وقلت استني هناك
اتريني من اول لحظه
تعبت من المقداف
وطلبت ايد مساعده
تنقذني وانا تعبان
ولقيتك جاي بسرعة
وماشي علي المياه
ونزلت قوام سفينتي
وحسيت بالامان
كفكفت يارب دموعي
وبددت خوفي هناك
وقلت ليه رحت لوحدك
ما انا علي طول وياك
هو انت كنت طلبت
وانا اتاخرت عليك
قلت له دا كبريائي
منعني اكون وياك
ما انا عايز مجد باطل
والناس تقول يا سلام
بحار ومفيش زيه
وواصل للكمال
وطبطبت علي وقلت
ما هيهلك حد سواك
اتعلم التواضع
وابعد عن الهلاك
واطلبني وقت الضيق
انقذك واكون معاك
صدقني انا بحبك
وسندك في دنياك
خليك لكلامي سامع
وابعد عن الكبرياء
هوصلك للامان
ولا يوم هتكون تعبان
