أيمن منير
رُحتي وراحت معاكِ سنيني
حتي الدمعه في فُراقك
صعبه ومعاها حنيني
مبَّقيتش مصدق إنتي معايا
ولا سيبتيني
حقيقي فُراقك ياأُمي كسرني
لو اقدر ارجعَّك ..! ليه فارقتيني
رأحِت البسمه والسؤال
والإطمئنان
حتي سؤالك عني في وقتها
إستقبلته بإنشِغال
مع إني كنت حاسس إنك ماشيه
لكن عُمري ماحسبتها
كان فِتور مني وكان إهمال
راحت إلضحكه الصافيه
وراح معاها رأحة البال
لما بفكر فيكي ياأُمي
وف ملامحك
بنسي إن عندي هموم
بشوف حِنيتك وسؤلك عني
بلاقيكي بشفاعتك
تمحي الغِيوم
إللي معزيني إنك بتجيني
ومش ناسياني
اه ياأُمي لو أقدر أجيلك
وطنك السماوي
كنت أسيب الارض في ثانيه
ولا هتساوي
إني بشفاعتك اكون مع فاديا
واكون معاكي
صلَّيلي ياأُمي يعينَّي ربنا
ويقويني كما أعانك
