كتب - محرر الأقباط متحدون
قال الكاتب شريف الشوباشي، البنت اللى لابسة ابيض فضفاض وحجاب ابيض وطالعة فى فيديو (لزوم الدعاية) تولول بمحن شديد لانهم منعوها فى بيسين بمكان خاص لانها لابسة بوركينى وتصف ما حدث لها بانه "قهر".. اقول لها: ياباردة.. ياتلمة.. ياكذابة.. قهر برضه ؟؟ امال البنات اللى بتضّرب ضرب مبرح عشان عايزة تقلع الحجاب ويحرموا من الذهاب للمدرسة والجامعة عشان رافضين الحجاب والستات اللى ازواجهم بيهددوهم بالطلاق عشان بيفكروا يقلعلوا الحجاب دول يبقوا ايه؟
مضيفًا في تدوينة عبر حسابه بالفيسبوك، قهر فى عينك ياللى رايحة تتلزقى فى مكان محدش عايزك فيه.. انت مش فاهمة دينك.. الغرض من الحجاب والنقاب وغيره هى "عدم لفت الانظار".. واللى تبلس بوركينى فى مكان كله بيكينى يبقى هى اللى بتلفت الانظار ومتعمده تلفت الانظار اليها عشان عندها "نقص".. اللى بتعمليه ده استفزاز متعمد عشان تعملى نفسك ضحية.
مستطردًا، وببجاحة شديدة تقول " انا فى "كندا" بانزل كده وماشية بالحجاب وما حدش قال لى حاجة"... كندا فى عينك ياصفيقة.. كندا فى عينك.. كندا ما فيهاش قهر للنساء والفتيات عشان يلبسوا الحجاب وبالتالى فطبيعى انهم يتقبلوا الحجاب لانه حرية شخصية.. احنا عندنا مش حرية شخصية ولو انتى مش عارفة كده يبقى بتستعبطى وتستهبلى.. لو عايزة تلفتى النظر شوفيلك حاجة مفيدة تتفوقى فيها بدل ما تلقحى جتتك على مجتمع مش عايزك.. ولو مش عاجباكى مصر: ايه اللى مانعك تروحى تعيشى فى كندا بالحجاب والبوركينى بتوعك؟؟؟؟
