بقلم- صفوت فريز غالي
ماعدش ينفع  ياوطن  لا بكا ولا نواح
وقعت خلاص الفاس فى الراس ياصلاح
الثورة قتلوها.....  ماتت وغطوها
راح الولد يابلد...  وياريتة نام وارتاح
اتارية حزين فى تربتة على ثورتة
كان الولد زى الاسد فى صحوتة
رافع علم مليان ألم والظلم قدامة اتهزم
كسر قيود الكبت يصرخ فى جمعة وسبت
وعلى الحدود زى الاسوووود فوق الرمال
خاين حقود  مليان جحود قتل الرجال
أرهابى هو وشلتة قتل اخوة فى وحدتة
عيون سهرانة تحرسنا تأنسنا بين الجبال
جاك قطع ايدك قتلت سييدك ياكلب ضال
مين اللى سابك علينا  تقتل الأبطال   ؟
صوتنا اتنبح علشان شبح جابلنا الاندال
وقلب مصر اللى  إندبح   عندك  حلال
ندل وجبان خسيس  وخان  فين الضمير ؟
تضرب كمان ساعة الآذان أصلك حقير
حرمة بلدنا وروح ولادنا مش لعبتين
مصر اللى عاشت عمرها رفعة الجبين

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :