معنى اسمه بطل أو بطولي وهو اسم لأكثر من ملك في الكتاب المقدس'> الكتاب المقدس
1- ابوهم هو هيرودس الكبير وهو اللي قتل أطفال بيت لحم وأراد قتل الطفل يسوع
2- هيرودس انتيباتر او المشهور باسم انتيباس وهو اللي قتل يوحنا المعمدان
3- هيرودس أغريباس الأول وهو اللي كان وقت محاكمة بولس الرسول
لكن شخصيتنا النهاردة هو هيرودس أنتيباس اللي كان وقت محاكمة السيد المسيح
واللي قتل القديس يوحنا المعمدان
هو الابن الثاني لهيرودس الكبير من زوجته الرابعة من السامرة اللي اسمها ملثاكي
علشان كده نصفه أدومي ونصفه سامري
(تعالوا نتأمل في شخصيته ونشوف هنتعلم ايه)
1- هيرودس المحب للسلطة
طلبت منه زوجته انه يروح روما يطلب انه يكون ملك لأنه كان والي على مقاطعة ومع انه استولى على مقاطعه اخوه لكنه كان طمعان انه يكون ملك
2- هيرودس الماكر
كان هيرودس ماكر في انه يكسب جميع الأطراف
كان يرضي اليهود انه ينفذ طلبهم في القبض على أي شخص يعارض مصالحهم
انه قتل يعقوب أخو يوحنا بالسيف ولما شاف ان ده يرضي اليهود قبض على بطرس
لكنه في نفس الوقت كان يرضي الرومان انه يفرض الضرائب الشديدة على اليهود
علشان كده يسوع كان يعطيه لقب الثعلب (لو 13: 32)
3- هيرودس المغرور
وصلت درجة غروره انه تكبر على الله
وكان يصر دايما يلبس اللبس الملوكي المطعم بالماس والذهب
لما وقف يتكلم قدام الشعب وقالوا هذا صوت إله لا صوت إنسان
علشان لم يعطي المجد لله ضربه ملاك الله فضربه الدود وهو حي ومات
(تعالوا نطبق اللي اتعلمناه)
1- لا تجعل السلطة غايتك لأنها هتبرر أي وسيلة تصل إليها
حتى لو كانت السلطة في الخدمة
هتضطر انك تدوس على ناس كتير وتظلم ناس كتير علشان توصل
2- لا تكن ذو رأيين ولا تحاول ترضي جميع الأطراف
لأنك هتكون منافق
ولأن من يهتم بإرضاء الناس حتما لن يرضي الله
3-ابعد تماما عن انك تعاند في الكبرياء
لأن الله يقاوم المستكبرين وتصل لحد انه يذلك ويهينك
صباح الخير على الجميع 🌹❤
