ايمن منير
- أُمي حبيبتي بيوم عيدك
- ببعتلك ورده رويتيها بإيدك
- ساقاها عرقك دمعك وتنهيدك
- دمي إللي كان يجري ف وريدك
- بطلُب من ربي يفرحك ويزيدك
- بعِيدك ياأُمي باشتاق لرؤياكي
- وبحنلك اكتر ماكنت انا معاكي
- وبشوف إن الدنيا ظلام بَعدِك
- وتنهيدي وقف ف يوم بُعدِك
- أُمي بيوم عيدك ببعتلك إبتسامه
- ببعتلك سلامي وادور علي علامه
- أعرف إنك جياني وشفاعتك محاوطاني
- بتصليلي ياأُمي أكيد مانتي عارفاني
- وبتطلبي من ربي ياأُمي علشاني
- ببعت لروحك فرحتي وألمي
- وشايفك ياأُمي بتوَّقفي وتطلُبي عني
- رجاء ياأُمي إقعُدي وإرتاحي وإتهني
- ربي يسوع بيقولك إرتاحي
- وحياتي ياأُمي متشيليش همي
- ببعتلك سلامي وكلنا جاينلك
- كلُها شوية بُخار يتبخروا
- ونكون جنبك
- رَنمي ياأُمي ترنيمه جديده
- إرفعي لواء الفرح
- بالمدينه السعيده
- وشوفي إللي وصفه يوحنا
- وإطلُبي مِن ربنا يترأف بحالنا
- مالم ترأه عين
- أو خطر علي قلب بشر
- رنموا ترنيمة الحمل
- للي مات وقام وإنتصر
إبنك ايمن
