سهير وهبه
يمكن كتير مننا لما يسمع يوآب بن صروية بيكون أول مرة يعرف أن صروية اسم سيدة
معنى اسمها المعطر بالميعة (الميعة نوع من الأعشاب عطر الرائحة جدا)
هي أخت داود وأم يوآب (صموئيل الثاني 17: 25)
25وَأَقَامَ أَبْشَالُومُ عَمَاسَا بَدَلَ يُوآبَ عَلَى الْجَيْشِ. وَكَانَ عَمَاسَا ابْنَ رَجُلٍ اسْمُهُ يِثْرَا الإِسْرَائِيلِيُّ الَّذِي دَخَلَ إِلَى أَبِيجَايِلَ بِنْتِ نَاحَاشَ أُخْتِ صَرُويَةَ أُمِّ يُوآبَ
(اخبار الأيام الأول 2: 16)
16وَأُخْتَاهُمْ صَرُويَةُ وَأَبِيجَايِلُ. وَبَنُو صَرُويَةَ أَبْشَايُ وَيُوآبُ وَعَسَائِيلُ ثَلاَثَةٌ
(تعالوا نتعرف على شخصية صروية ونشوف هنتعلم ايه)
1- صروية المحبوبة
ظهر اسمها 25 مرة مع ابنائها التلاتة يوآب وأبيشاي وعسائيل
دليل على مدى محبتها وانها أم متميزة
2- صروية القوية
ظهرت قوة شخصية صروية على ابنائها التلاتة اللي اصبحوا قواد في الجيش بل وأصبحوا من الأبطال الشخصيين في جيش داود الملك
3- صروية الأم
لم يذكر اسم زوجها لكن من الواضح انه مات بعد ولادتها لابنائها وكانت مازالت صغيرة وقامت بتربية الأولاد لذلك دعى اسمها وسبب تاني لأنها من نسل الملوك علشان كده دعي اسم صروية بدل من اسم الأب
فكانت زوجة وقامت بدورها كزوجة وأم
(تعالوا نطبق اللي اتعلمناه)
1- ازرع في حياة الكل محبة سوف يخلد اسمك على مدى الدهر حتى لو عملك بسيط
2- كن قويا في الحق وهتفرض شخصيتك على من حولك باحترامك وعملك الطيب
3- اهتم باسرتك في كل وقت مش بس في المناسبات
لأن الاهتمام اللي بيتطلب مش بيدوم وبيكون بلا طعم
صباح الخير على الجميع ♥️🌹
