لم يذكر اسمها ولا نسبها ولكن كل ما يذكر سيرتها الكل يتذكر أصعب عقاب ذكره الكتاب المقدس لإنسان
انها اتحولت لعمود ملح وده بسبب ترسب الكبريت اللي نازل من السماء لحرق سدوم فتحجرت
بس يا ترى ايه اللي يخلينا نفتكر شخصيتها ونتكلم عنها واحنا مش هنلاقي فيها حاجة كويسة؟
صح يمكن مش هنلاقي حاجة كويسة لكن نتعلم من أخطائها ولأن اننا نفتكرها دايما ونتذكر عملها دي وصية من رب المجد يسوع في (إنجيل لوقا 17: 32) اُذْكُرُوا امْرَأَةَ لُوطٍ!
وسؤال تاني أيه اللي يخلي ربنا الرحوم محب البشر يوصل به انه يعاقب الإنسان بالطريقة البشعة دي؟
تعالوا نتأمل في الشخصية ونتعلم من الاخطاء اللي وقعت فيها علشان ما نعملهاش
1- الاستهانة بالوصية
أكبر خطأ وقعت فيه انها استهانت بوصية ربنا
الكلام كان واضح من ربنا وباصرار الملاكين على الخروج من الدائرة كلها يعني بعيد تماما على المدينة
تكوين 19: 17وَكَانَ لَمَّا أَخْرَجَاهُمْ إِلَى خَارِجٍ أَنَّهُ قَالَ: «اهْرُبْ لِحَيَاتِكَ. لاَ تَنْظُرْ إِلَى وَرَائِكَ وَلاَ تَقِفْ فِي كُلِّ الدَّائِرَةِ. اهْرُبْ إِلَى الْجَبَلِ لِئَلَّا تَهْلَِكَ».
لكنها نظرت واستهانت بالوصية
26وَنَظَرَتِ امْرَأَتُهُ مِنْ وَرَائِهِ فَصَارَتْ عَمُودَ مِلْحٍ!
2- القدوة السيئة
ظهرت القدوة السيئة في سلوك بناتها انهم بعد كده أخطأوا خطأ كبير
ظهرت القدوة السيئة في الالحاح على لوط طول حياته بالانفصال عن ابراهيم
وذكر في الكتاب ان نفس لوط كان يتعذب يوما فيوما بأعمالهم الرديئة
3- التمسك بالأرضيات
تخيلوا معي موقف واحد في مركب بيغرق ومعاه 100 كيلو دهب وهو ماسك في الدهب ومش عايز يسيبه
امرأة لوط كانت سامعة صوت الكبريت والرعود يعني كلام ربنا بيتحقق
يا ترى كانت بتبص على ايه وراها؟
أكيد مالها اللي ضاع وملحقتش تاخده
ونسيت ان لوط خرج من بلده بلا شيء وكل الجاه والمواشي من تبعيته لإبراهيم عمه اللي عاش طول عمره في خيمة ولم يبني بيت
(تعالوا نطبق اللي اتعلمناه)
1- ثق في كلام ربنا ومواعيده ولو تسرب الشك ليك من طول المدة ردد الآية اللي بتقول وإن تأن يستجيب
2- ان كنت مثل اعلى لشخص حافظ على تصرفاتك لأنك هتكون مراية ليه على العالم
ومهما عملت هيقلدك ويكون زيك
فتكون خطيتك أعظم انك أعثرت غيرك
3- درب نفسك على العطاء حتى لا يكون في قلبك محبة للعالميات
صباح الخير على الجميع
