معاناة كبيرة يقع فيها الكثيرون منذ بداية الشهر أو في المنتصف، عندما ينتهي المرتب ولا يزال هناك أيام كثيرة لبداية شهر جديد الأمر الذي يضطرهم أحيانا للاقتراض من الآخرين وزيادة الديون وغيره.
ويمكن للشخص الحفاظ على راتبه طوال الشهر من خلال عدة خطوات، وهو ما شرحه استشاري تطوير الأعمال مصطفى خليفة لـ «الوطن» كما يلي:
طرق الحفاظ على المرتب
- لا تشتري أي شيء بدون تحديد أولوياتك في البداية وهل تحتاج إليه بالفعل ومفيد لك أم لا أي لا بد من شراء الأساسيات، ويجب معرفة الفرق بين أنك تريد شراء شيء ما أم تريد امتلاكه، موضحا خليفة: «يعني انت فعلا محتاج الحاجة دي وهتستخدمها بشكل مباشر ولا لأ مجرد عايزها وخلاص ولازم تتأكد أن الحاجة دي ملهاش بديل وهتستخدمها بشكل مستمر».
- البحث عن هل يوجد بدائل لما تريد شراءه بسعر مناسب أم لا، «يعني في حاجة رخيصة وهتديك نفس الحاجة اللي انت عايزها ومقبولة ولا لأ خليك عارف ومتأكد أن ده هيوفر ليك كتير».
- التنزه والسفر أمر جيد ولكن ليس طوال الوقت أو يجب عملها كنوع من الحافز أو جائزة لك قائلا خليفة: «متحرمش نفسك بس مش طول الوقت خروحات لازم يكون في توازن عشان تحافظ على المرتب».
- الادخار أمر أساسي في حياة أي شخص حتى إذا كان بمبالغ بسيطة كل شهر: «لازم الواحد يبقى عنده فكرة التوفير كل شهر وياريت تكون بشكل ثابت وميجيش ناحيتها ابدا ولو احتاجت منها تاخد وترجعها تاني أول ما يبقى معاك فلوس»، وفقا لوصف خليفة.
- هناك بعض الأشخاص الذين لا يستطيعون الادخار حينها يمكن المشاركة مع آخرين في الجمعيات: «ده هيساعدك كتير في أنك تقدر تحوش» وفقا لقول استشاري تطوير الأعمال.
