صاحبة مبادرة "كفاية خراب بيوت": ما بشجعش على التعدد لكن ضد طلاق الزوجة الأولى

 

"مفيش حاجة اسمها اتطلق عشان جوزي اتجوز عليا" هكذا بدأت نشوى العجوز حديثها قائلة: "التعدد شرع ربنا اللي أحله، والطلاق برضه شرع ربنا، المبادرة عملتها للحفاظ على البيت حتى لو الراجل اتجوز على مراته".

وتابعت أن بعض السيدات بعد أن تتزوج تترك العمل ويتفرغن لتربية أبنائهن خدمة أزواجهن فلابد أن نتساءل ما سيفعلن إذا طلبن الطلاق، وأردفت: "الطلاق أبغض الحلال، وخراب البيوت مش سهل، والتسخين على الطلاق مش بيكون أسلم وأحسن حل لأنه بيولد العند بين الراجل والست ومحاكم وبهدلة لهم ولأطفالهم".

 

كما أضافت العجوز أن على الزوجة المحافظة على بيتها وأولادها، وقالت: "لو الراجل عاوز يعدد يعدد، أحسن ما يعمل حاجة حرام".

 

 

وأكدت العجوز أن المبادرة بعيدة كل البعد عن الشجيع على تعدد الزوجات، بل إنها مبادرة لتمسك الزوجة الأولى بكامل حقوقها في زوجها على مراعاة حقوق الزوجة الأخرى مدام في صالح بيتها وأسرتها.

 

 

جملة سمعتها العجوز من إحدى السيدات تعقيبًا على المبادرة، وأردفت: "زي ما ربنا حلل التعدد حلل الطلاق لو مكنتيش تقدري تكملي، لكن مينفعش نخرب بيت عشان راجل مقتدر عاوز أو اتجوز تاني"

وتابعت: "لازم نعرف قيمة الأسرة ويعني إيه بيت صعب أنه يتهد بطلب الطلاق وتشريد أطفال، وأعرفوا أن البيت المبني على الاحترام والتفاهم بيكون هو أساس جيل متفهم وواعي وناضج" .