1-حسن سبانخ : و هو المحامى الالعوبان فى فيلم الافوكاتو هكذا يفعلون فمثلا الادعاء بان المحكمة  الدستورية زورت حكم حل البرلمان و ان هناك فاكس جالوه بيقول انها اصدرت الحكم و ارسلته للمطابع الاميرية قبل ما تستمع للمرافعات ( يا سلام على الذكاء ) او زى لما خيرت الشاطر قال سجلنا اتصالات بين اللجنة العليا للانتخابات و المجلس العسكرى و حتى لو كان صحيح ايه العيب فى علاقة المحكمة بالمجلس خصوصا اته لم ياخد المحكمة و يطلع بيها على الزراعية كما فعل نائبكم المحترم او زى طلب رد محكمة القضاء علشان يأجل المسألة اسبوعين تلاتة علشان يلحق يخلص على الدستور .

2-زلومة الاقرع ما بيعرفش صاحبه 

الحقيقة اصحاب الفضل فى هذا الاختراع هم اولاد ابو اسماعيل و يعتمد على مواجهة القاضى بجحافل من البشر القادمون من الجاهلية ووجوههم تمثل ابو لهب و حناجرهم قبر مفتوح على هتافات ارهابية و لا مانع من شخص مثل ابو اسماعيل يتحدث للاعلام الحديث التالى : 

1-مين دول يا ابو اسماعيل ؟

2-ابو اسماعيل : دول الشعب 

3-طب الشعب عامل فى نفسه كده ليه ؟؟

4-لانهم غاضبون حازمون مجرمون 

5-طيب لو القضاء لم يحكم لصالحك ايه للى ممكن يحصل و هل ممكن تهدى من روع زلومة الاقرع للى واقف جنبك ده ؟؟ 

6-انا ماليش دعوة انا عن نفسى لو صدر حكم ضدى انا هاروح انام لان عندى واوا و الجدع بقى يلم الوحوش دول لانهم بايعونى على الدم و بصراحة كده انا مجوعهم بقالى 5 ايام و زلومة الاقرع ما بيعرفش صاحبه 
 

و هكذا ماذا تفعل عزيزى القاضى و زلومة الافرع من امامك و من خلفك لا بوليس و لا شرطة و لا جيش و لا حتى عربية اسعاف تنقله على غرفة العناية المركزة لو اصدر حكم ضد ابو اسماعيل .

 

3-انا مين انا ليه انا فين ؟؟؟ 

هنا تاتى مرحلة د.مرسى و زملائه فى اصدار قرارات تحمل كل المعانى و عكسها فى نفس الوقت فيصدر الريس مرسى قرار بعودة مجلس الشعب معنى كده انه لا يعترف بحل البرلمان لكن فى نفس القرار امرباجراء انتخابات مجلس شعب جديد معنى كده انه بيعترف بحل البرلمان طيب ازاى يرجع يمارس سلطاته ؟؟؟ يعنى لو واحد امين خزينة و اتحكم عليه فى قضية سرقة و دخل السجن نقول معلهش يطلع يكمل شغل لاخر الشهر علشان يقبض الموظفين و بعدها يدخل السجن تانى ؟؟؟ اما الاغرب ان الكتاتنى يعمل جلسة علشان يقول هانحول الحكم للنقض و هو يعرف تماما ان احكام الدستورية لا يمكن ان تعرض على النقض ؟؟؟ ثم يصدر السيد مرسى قرارا بانه يحترم احكام القضاء و ينفذها و هذا يعنى انه سحب قراره ؟؟؟ لكن بعد عدة ايام يظهر علينا متحدث باسم رئاسة الجمهورية ليقول لا هذا لا يعنى ان الريس مرسى سحب قراره بعودة البرلمان ؟؟ يعنى البرلمان كده لسه شغال و من الاخر انا مين و انا فين و انا ليه ؟؟؟؟

و فى النهاية عزيزى القارى اتحداك لو فهمت معنى كلمة طيطة لان انا شخصيا مش فاهم و بعدين ما حبكتش انك تفهم يعنى ايه طيطة لان اساسا مافيش حد فاهم حاجة فى البلد لا المشير و لا الغفير ما جاتش على طيطة .